Video
Read full review
2022-12-06
18 views
太子最近開咗好多特色餐廳，見到呢間居酒屋好和風好靚，分咗兩個區域，有廚師發板嘅吧枱同埋入面榻榻米卡位🎎，裝修得好有feel！餐廳主打日式串燒，有三款抵食嘅串燒套餐：雛菊、 紅葉、 寒梅，每款人均大約二百幾至三百幾～以日式居酒屋串燒黎講，價錢都好親民，啱晒黎吹水或者慶祝！一坐低佢會俾咗盤沙律杯🥗你先，有紅蘿蔔、椰菜、白蘿蔔嗰啲，點咗佢特製醬汁，可以去咗啲草青味，更加帶出沙律嘅爽甜！仲有幾個調味碟仔，提供秘製醬汁同多款唔同口味嘅鹽，串燒味道可以自己調校！------------------------------🌼◖雛菊套餐◗ $238❣️▪︎ 銀杏：其實即係白果，平時好少試到，識落外皮韌韌地，幾有口感❣️▪︎ 汁燒茄子：非常惹味，林左啲章魚小丸子嘅醬，咬落去好有口感又多汁❣️▪︎ 汁燒雞肉大蔥串：大蔥同雞肉呢個配搭日式串燒嚟講一啲都唔陌生，雞肉好juicy，配上自家秘製嘅醬汁，甜甜地好味！▪︎ 雞腎▪︎ 雞骨豬肉腸❣️▪︎ 紫蘇葉魷魚卷：嫩滑嘅魷魚連埋紫蘇葉一齊燒，加咗一陣獨特嘅香味落啲魷魚度，估唔到又幾夾▪︎ 香蔥牛燒❣️▪︎ 燒飯團：燒飯團一啲都唔普通，飯粒握得好實淨，燒得外脆內軟，調味啱啱好，好香口，包住紫
一坐低佢會俾咗盤沙律杯🥗你先，有紅蘿蔔、椰菜、白蘿蔔嗰啲，點咗佢特製醬汁，可以去咗啲草青味，更加帶出沙律嘅爽甜！仲有幾個調味碟仔，提供秘製醬汁同多款唔同口味嘅鹽，串燒味道可以自己調校！
------------------------------
🌼◖雛菊套餐◗ $238❣️▪︎ 銀杏：其實即係白果，平時好少試到，識落外皮韌韌地，幾有口感
❣️▪︎ 汁燒茄子：非常惹味，林左啲章魚小丸子嘅醬，咬落去好有口感又多汁
❣️▪︎ 汁燒雞肉大蔥串：大蔥同雞肉呢個配搭日式串燒嚟講一啲都唔陌生，雞肉好juicy，配上自家秘製嘅醬汁，甜甜地好味！
▪︎ 雞腎
▪︎ 雞骨豬肉腸
❣️▪︎ 紫蘇葉魷魚卷：嫩滑嘅魷魚連埋紫蘇葉一齊燒，加咗一陣獨特嘅香味落啲魷魚度，估唔到又幾夾
▪︎ 香蔥牛燒
❣️▪︎ 燒飯團：燒飯團一啲都唔普通，飯粒握得好實淨，燒得外脆內軟，調味啱啱好，好香口，包住紫菜食，口感同味道都一流 ！
🍁◖紅葉套餐◗ $288
▪︎ 汁燒鮮冬菇
▪︎ 日本番薯
❣️▪︎ 免治雞肉軟骨棒：呢個真係大推！有好多軟骨，食落好脆口！點埋佢嘅醬油蛋汁，味道甜甜地，香滑脆口！
❣️▪︎ 紫蘇葉豬肉串：紫蘇葉拎嚟同肉類燒，另有一番風味，可以減輕油膩感，大小小清新嘅感覺！
▪︎ 黑豚肉大蔥串
❣️▪︎ 燒帶子：帶子超級大粒又厚肉，多汁好有鮮味
❣️▪︎ 燒羊扒：羊扒好大，肉質厚身，燒得唔會熟透，咬落去好juicy，好濃嘅羊味
❣️▪︎ 燒飯團
🌟Encore指數：8/10
Post
