匠工房秀吉 (Closed)

以前很喜歡吃大丸的章魚燒，大丸關門大吉後，一直在尋找好吃的章魚燒，未有築地銀だこ之前，秀吉，就是我的至愛。今日中午，陪過同事去睇MBA（高科技電子零件那個MBA）後，我提議去SOGO搵食。奄列炒麵+章魚燒，是我最喜歡的一味。收銀問過我地係咪堂食，原因是俾少ｄ膠兜膠蓋，環保最高。呢度堂食要企係度食，但無損我地雅興。奄列炒麵堂食即炒，雖然炒麵已整好，但蛋是即煎的，蛋好薄，包住炒麵，唔好睇佢好似細細碟咁，我食完都覺得好飽。奄列炒麵上面配茄汁沙律醬，這醬汁用料很地道和風，酸酸甜甜也非常開胃。章魚燒是燒定的，這裡不像築地銀だこ是脆皮的章魚燒，這裡的，是腍身的麵粉蛋醬，但反而吃得出蛋香，再配上面的香草和燒汁，是我另一最喜歡的章魚燒。這個食評想寫好久了，我喜歡吃的，我都希望可以慢慢補回食評。