吉兆

Open Now

Now Closed

早前靚靚媽咪同哥哥被邀往開業只有幾個月o既「吉兆」午膳，覺得環境高雅，魚生菜式優質美味，週二就提議一家四口去試埋個廚師發辦晚餐。鄰近蘭桂坊o既「吉兆」可以話係中環鬧市中難得的淨土。佔用面積全層o既壽司店空間感極廣，以木為主o既間隔淳樸清爽，潔淨舒適。接待處旁展出靚花o既小石臺靜靜地散發出和風，幽雅祥和。石臺對面o既陳列架卻擺出酒瓶裝飾，彷彿正在提醒貴客餐店為凡間之地，清酒與魚生乃絕配也！店子外出仲有個陽台，室外座下京都式設計o既石徑禪味濃厚，遠望又有啲似鋼琴上o既黑白琴鍵，靜中帶音，妙哉！肥肥家族食壽司最愛選坐壽司吧，電話訂座時亦有預先講明。壽司吧可容納十四人，吧角貼出「日本產米使用店」字句，飯前已暗地裡為食客打下強心針。餐牌所示，晚市只供「吉」（$1,480/位）、「祥」（$1,280/位）、「兆」（$1,080/位）三款套餐，均配上前菜、湯及甜品。既然店子英文名含壽司一詞，小肥就揀咗有十六貫壽司o既「兆」，而父母同哥哥則三款試勻。當晚o既壽司刺身全部由Ken師傅即場調製，單憑相片應該都睇得出其態度極之認真。試問食魚生又點可以唔飲清酒呢？真係要讚一讚妹妹仔自動加酒o既密度，居然可以拍