大利清湯腩 (Closed)

星期二，放工後，便去摩理臣山游水，游完水後，肚子感覺有點兒餓，原本想去CC Wu大厦內食牛腩麵，但途經大利清湯腩，想起都很久沒有試它們，便走入去一試，當時內裏只有4張枱有客，打開餐牌一睇，發覺價錢不平，咖哩腩飯要$55.00，飲品另計，相比附近其他出名的牛腩專門店，係貴咗一截，唔知味道有否提昇？最後都係叫咖哩腩撈麵，很快便到，先試口湯，都okay，再食一啖麵，一般啦，根着試重頭戲，咖哩牛腩，個人感覺咖喱不夠辣，牛腩又係一般，比以前失色，食完後，感覺到很難和灣仔其他牛腩專門店兢爭，因為附近講緊係$25一碗腩河，如要生存，大利要加多一把勁才成。