小曼谷泰國美食 (Moved) New Location

母親節帶屋企人去食飯，要食泰國菜當然要黎九龍城，黎依到記得要訂定位，因為依到都幾旺場。黎依到貪佢夠哂地道，價錢又唔算貴，款式又夠哂多👍🏻環境裝修都唔錯，而且服務都好好。依到啲野食等得唔耐，最值得欣賞係佢個咖哩炒蟹，平時我唔鐘意係街外叫蟹食，如果唔係屋企人想食都唔會叫，因為食蟹又多汁會食得好論盡，但依到會比埋手套你，同食蟹工具👍🏻依個咖哩食落唔辣，但夠哂入味，建議可以叫蒜蓉包/撈飯食一流，而蟹方面，蟹身大大隻啖啖肉，而且有勁多蟹膏，性價比好高其他食物都即叫即整，份量都好多，叫左幾款海鮮都係好新鮮，整體黎講鐘意食泰國菜嘅朋友，有機會都要黎試下