牧羊少年與他的浮萍

Open Now

Now Closed

今日同幾個朋友黎左呢度食lunch，因為朋友話平時會多人，所以我地約左11:00，其實11:00去到見到餐廳入面仲有位，不過佢要過半數先俾入，我地人齊之後都等左10分鐘左右先入到去，不過大約11:30，門口真係已經好多人等位~個前菜挪威三文魚溫泉蛋好好食，隻蛋煮得啱啱好，蛋黃係啱啱凝固既狀態，個三文魚唔重煙燻味，而且前菜黎講份量一啲都唔細，嗰2片三文魚都好大片。另外我地叫左幾款咖啡，Ice latte, Ice Mocha 同 Hot Latte，大家都覺得佢個咖啡唔錯，幾杯都好滑，個Mocha飲落去唔似係咖啡，但經過喉嚨之後個咖啡香又滲番出黎。至於2件蛋糕都好好食，個覆盆子蛋糕好fresh, 朱古力蛋糕又夠濃，兩個交替食都好唔錯，又唔會太溜。至於其他主食都OK，4款入面較為推介係明太子意粉同英式早餐，2款都好好味。其實個豬鞍同牛側腹個味都OK, 2塊扒都好厚，但美中不足係個豬有啲"鞋"，個牛亦都有啲"韌"。