Will's Coffee (Closed)

今日下午去大埔道做完嘢，經過見到呢間咖啡外賣店，立即被佢吸引了。有緣來撑下小店，難得行過路過，當然吾會錯過。一於入去飲杯咖啡抖抖。店子雖少少啲，但見兩旁都用心佈置，環境真的相當不錯。除了基本意式咖啡之外，更有手沖咖啡，而且價錢不算貴。如果喜歡手冲咖啡嘅你，可以來一試。平時我多數飲 latte 或者美式咖啡。不過今日有點攰，所以特別想飲濃少少咖啡味，於是老闆介绍我飲 Flat white。等緊杯咖啡時，咁啱阿仔打電話給我話未食飯。於是順便 order 多個外賣「煙鴨胸意粉」。一邊等意粉時，已經聞到香味十足，真係吞曬口水。等候期間，同老闆傾咗一陣咖啡經，知道老闆做咗咖啡已經超過十年，對咖啡仍保持一種執着，希望不斷調整，做出更好的咖啡，呢種用心真十分難得。至於個意粉，負責煮的應該是老闆娘，未食已經聞到超香，回家阿仔已經急不及待，食完舔舔脷，大讚好好味。真係大家難得行過路過，千祈唔好錯過。希望呢啲小店能夠保留，可以讓大家品嚐到到用心製作的咖啡與食物。