頂立

Open Now

Now Closed

拉麵配咖啡呢個組合真係第一次聽！冇諗過一杯精品咖啡可以令到一碗拉麵有唔同嘅風味，這個體驗真係好特別！想深入了解原理可以細閲menu，店員都會詳細介紹食用次序，務求令我地有一個最佳的體驗。冷萃咖啡來自Guatemala日曬豆，mix Ethiopia & Indonesia 豆，頭段有花香、酸果味道，body會厚身少少，少少似Greek yogurt味道，最後似烏龍茶。香氣撲鼻，味道醇厚、甜感明顯。可以先飲啖咖啡，再飲啖湯，再飲翻咖啡，又會有另一種感覺，十分神奇。頂立雞白湯湯底色澤呈現奶白，味道清甜鮮香，用上大量雞骨、肉、魚介、蔬果熬製。本身擔心雞胸肉會好乾又瘦，相反，又幾嫩滑喎～頂立海蝦湯用唔同蝦殼蝦膏煮出海鮮味，鐘意濃湯的人一定會讚！對比白湯，呢個會咸啲。甜品有昭和風布丁，蛋香味突出，入口即化，是迷人的小甜點。另一款限定甜品係焙茶味巴斯克蛋糕。比其他餐廳的蛋糕更濕潤，有芝士香，但不會好膩，口感細滑creamy，焙茶味輕輕調味。如果喜歡吃芝士蛋糕，就不要錯過。