專業咖喱皇 (Closed)

一個人係佐敦揾嘢食，老婆完全唔食辣，所以如果我自己食飯多數會襯機會食D辣嘢入到專業咖喱皇，心大心個想食牛脷，但又見Menu寫住〝大尾魷...時價〞問老闆娘有冇貨佢即刻話〝有呀,梗係食大尾魷啦!!!〞我再問 〝咁幾錢呀?〞〝$168〞咁我就叫咗呢個...馬蘇里拉乾咖喱大尾魷，跟飯個名好長其間好擔心佢俾魷魚圈我，即係圖中呢款切法，好影響口感，非常討厭。約等咗十五分鐘有得食，嘩好大碟好多魷魚，切法亦理想原來馬蘇里拉係面頭D Mozzarella芝士，同乾咖喱係冇乜關係嘅。跟白飯呢個決定好明智，另外再有一碗咖喱汁俾我撈飯嘅(我諗)大尾魷食落好厚肉，彈牙，頗有鮮味。但可能為入味而炒耐咗些少，可以接受。老闆呢個時侯係廚房出嚟，週圍了解吓。我話第一次嚟...佢話〝第一次嚟食咁貴?〞諗落都係，而且一個人食一碟始終多咗D，食到後半有D吃力下次試吓乾咖喱牛脷先。