Video
Read full review
2023-04-03
317 views
🫶🏻我哋琴日就趁放假 同左啲Friend 去咗屯門嘅大欖燒烤場燒野食 ✨✨呢一個燒烤場真係唔錯 好適合一啲唔想自己搞東搞西嘅人😂 去燒嘢食最麻煩莫過於買炭… 但係喺呢一度燒烤就唔使買炭搬入去 仲有哥哥會幫手透爐🔥🔥🔥 真係非常方便✨.🐷港式燒烤 任食 $160/一位首先 入座嘅時候 要去攞餐具✨餐具都頗為齊全 有燒烤網、燒烤叉、手套、筷子、幾隻碟、一碗蜜糖、食物夾、一卷廁紙（俾你抹手） 等等覺得咁樣真係幾好 唔使自己攞嘢 真係好方便 平時好驚燒烤係因為要搬野… 諗起豬小編以前中學嘅時候 最驚就係去picnic…😂😂 因為好驚買嘢準備燒烤…😂😂但而家比錢就解決到所有問題 仲可以任食咁多嘢食 真係好抵_！最搞笑係可以升級 然後就有一個小火鍋🍲 個小火鍋可以擺喺燒烤網上面 咁就可以一路燒烤一路打邊爐😂😂 食物嘅種類亦都因為咁樣 而可以有更多除咗平時燒烤見到嘅嘢食之外仲有好多打邊爐都會見到嘅嘢食可以攞 例如：公仔麵、粉絲、烏冬、蕃茄、芽菜、豆腐等等🤣🤣.等我介紹返 聽日食咗嘅嘢先😏首先 當然要是佢哋嘅肉😉🐷雞扒 - 非常推薦大家食！ 雞扒都幾滑 而且又易燒🤣 加埋蜜糖真係唔錯🍯🐷土匪雞翼 蒜蓉
🫶🏻我哋琴日就趁放假 同左啲Friend 去咗屯門嘅大欖燒烤場燒野食 ✨✨
呢一個燒烤場真係唔錯 好適合一啲唔想自己搞東搞西嘅人😂 去燒嘢食最麻煩莫過於買炭… 但係喺呢一度燒烤就唔使買炭搬入去 仲有哥哥會幫手透爐🔥🔥🔥 真係非常方便✨
.
🐷港式燒烤 任食 $160/一位
首先 入座嘅時候 要去攞餐具✨
餐具都頗為齊全 有燒烤網、燒烤叉、手套、筷子、幾隻碟、一碗蜜糖、食物夾、一卷廁紙（俾你抹手） 等等
覺得咁樣真係幾好 唔使自己攞嘢 真係好方便 平時好驚燒烤係因為要搬野… 諗起豬小編以前中學嘅時候 最驚就係去picnic…😂😂 因為好驚買嘢準備燒烤…😂😂但而家比錢就解決到所有問題 仲可以任食咁多嘢食 真係好抵_！
最搞笑係可以升級 然後就有一個小火鍋🍲 個小火鍋可以擺喺燒烤網上面 咁就可以一路燒烤一路打邊爐😂😂 食物嘅種類亦都因為咁樣 而可以有更多
除咗平時燒烤見到嘅嘢食之外仲有好多打邊爐都會見到嘅嘢食可以攞 例如：公仔麵、粉絲、烏冬、蕃茄、芽菜、豆腐等等🤣🤣
.
等我介紹返 聽日食咗嘅嘢先😏
首先 當然要是佢哋嘅肉😉
🐷雞扒 - 非常推薦大家食！ 雞扒都幾滑 而且又易燒🤣 加埋蜜糖真係唔錯🍯
🐷土匪雞翼 蒜蓉雞翼 - 其實開頭都唔係好敢食雞翼😂因為過往有太多失敗嘅經歷 但係呢度個炭同火都好好 哥哥又透得好 整得非常好🤣 啲嘢食好容易燒 連雞翼都好易燒
🐷 秘製金沙骨
冇諗過自己燒烤都可以食到金沙骨 平時自己燒烤淨係食到雞翼 同埋啲好普通嘅食材🤣🤣 呢度嘅金沙骨味道都OK 不過豬小編覺得自己落咗太多蜜糖 有少少蓋過咗本身浸味道 建議大家可以唔使乜嘢都落太多蜜糖🤣🤣
🐷煙鴨胸
味道唔錯 有少少煙燻香味🤣🤣 而且口感都幾好✨😬
.
🐷丸類
最鍾意佢哋嘅 🐷芝士丸 因為一下就爆曬啲芝士出黎😂😂 超正✨✨
其次就係鍾意佢哋嘅 🐷燒賣 平時食蒸嘅燒賣食得多 炸燒賣都食過 就係未食過燒烤燒出嚟嘅燒賣 冇諗過口感係咁好🤣 擺入口之前就已經覺得好香 （撈啲蜜糖落去好香😂😂🍯🍯）
跟住就🐷魚蛋 其實都幾彈牙🤣🤣 同燒賣一樣 搽啲蜜糖又真係幾好食😏
🐷蔬菜類🥬
蔬菜方面 其實就冇乜好介紹嘅 因為菜就真係好難唔好好食🤣 本身鍾意食菜嘅話就點都好食
燒烤 - 茄子🍆、翠玉瓜 等
打邊爐 - 蕃茄🍅、 娃娃菜、芽菜、雲耳 等
.
🐷粉麵
粉面方面 主要係有烏冬、公仔麵、粉絲✨
.
🐷包
麵包就有方包🍞 同埋蒜蓉法包🥖
仲可以自己查啲牛油上去🤣
非常推薦蒜蓉法包🥖 燒完之後真係又香 又脆✨✨
.
最後想講嘅就係 呢個燒烤場真係好好 除咗啱啱講過
✨設備齊全
✨野食野飲雪糕都有
✨唔洗自己搬炭搬野食
✨有人幫手透爐
仲有就係
✨燒烤場嚟講都真係幾乾淨
✨張枱大張 又有位放嘢
✨有幾個打卡位 可以成班人一齊影相📸️
Post
