韓舍 (Closed)

心癢癢想食韓燒，同事話有間「韓舍」唔錯，二百幾蚊任食，食物種類好多。本來我就唔太好放題，不過而家食韓燒，單點普遍都三百幾蚊埋單，所以「韓舍」好抵食，就不妨試試。去到餐廳時，出面已擠滿等位的人潮，慶幸我地book左位。餐廳佔地好大，座位好闊落，兩個人都已經可霸張大卡位，坐等鬆動舒服。佢係自助形式，食物擺放係餐廳中央，琳琅滿目，各種供燒烤的肉類、海鮮、熟食、刺身、冷麵、壽司、甜品、生果⋯起碼50款，真係咩都有得食，還設有專人炙燒的長腳蟹柳，絕不欺場。調味料亦有數十款，還有各種韓燒所需的生菜、蒜頭、泡菜、韓式辣醬等⋯絕對滿足到韓燒嘅基本要求。望不到盡頭的各款烤肉，就算我唔食牛，都仲有好多選擇。刺身都有7款，魚生都幾肥美，一次已經可以拎甘多。個烤板好大塊，可以同時燒好多野食，上面加左塊牛油紙，油不會輕易彈到手，烤肉也不易結焦，十分貼心。店員動作快手殷勤，頻頻問我地洗唔洗換張新的牛油紙。五花腩大大塊，傳統食法加蒜頭、泡菜、韓式辣醬，用生菜包住，一嗒過。菠蘿大片厚切，多汁又甜。甜品種類好多，好多都係DIY，好玩又好吃。飲品約10款。。。非常抵食的一餐，除了重點食物「烤肉」腌得夠入味外，我最鍾意係甜