龍門冰室 (Closed)

我同朋友都好鐘意食冰室，特別係冰室既蛋牛治，所以就想試晒所有比人讚既蛋牛治，聽人講龍門冰室既咸牛肉製品都吾錯，就決定去試下。芝士咸牛肉脆豬餐，得芝士同咸牛肉就好似差啲野咁，所以如果再加埋蛋就正。黑椒牛仔骨煲，啲牛仔骨都幾入味，撈飯都吾錯。同埋依個餐有跟例湯，係薯仔湯，飲到個底有薯仔溶，同埋有啲紅蘿蔔同楊蔥係入面。瑞士雞翼撈丁，啲雞翼好入味，感覺都煮咗好耐，不過撈麵就吾係太夠味。西蘭花帶子煲，佢係用咗上湯嚟整，所以個味道都吾錯，帶子都有幾多。咸牛肉玉子燒配炸帶子同撈丁，個玉子燒同平時食既日式玉子有啲吾同，佢吾係個種甜蛋，而係茶餐廳用個啲炒蛋，再係入面包住芝士同咸牛肉。英式早餐，入面既野食同真實既英式早餐都幾相似，仲有煙三文魚。黑松露薯條，個醬比較特別，同平時食開既有啲吾同，佢加咗啲沙律醬。蜜糖雞翼，係賣相睇都見到好多蜜糖係雞翼上面。