曲奇薈 (Closed)

今日同同事傾偈先發現公司樓下開左間曲奇薈!! 原來店鋪出名蝴蝶酥,仲提供不少特別的口味。如: 櫻花/玫瑰/芝士/肉鬆/羅漢果/朱古力.... 另外亦有一系列的曲奇售賣~本身對茶薈都挺感興趣, 但礙於見不少網友都比晒喊面, 所以還是先試蝴蝶酥安全點。店鋪位置挺方便, 而且地方闊落, 有不少可愛的裝飾/報導及介紹等。收銀前亦放了不同的禮盒款式, 小的可選一款口味, 如想嘗試多種口味的可選一套7款的禮盒裝。(但一套7款的已經是set定某幾種, 不能改做其他口味)店員亦提供試食, 試了肉鬆蝴蝶酥/杏仁酥, 最後拍板買了肉鬆蝴蝶酥!此店的包裝看來是以簡約為主, 鐵盒只有少少的花紋和店鋪的名稱。內裡卻貼心地以牛油紙包妥以保持鬆脆~蝴蝶酥一盒約有2x-3x塊~每一塊面頭都佈滿了肉鬆呢!食落真的很酥脆! 咸甜的感覺食落不會很怪, 反而很有趣呢~但總感覺肉鬆的味道蓋過了蝴蝶酥的牛油香。雖然是這樣, 但喜愛吃肉鬆的我還是覺得不錯。