Video
Read full review
2018-08-05
17 views
近期香港熱門行程當中一定包括大館, 星期日放假同幾個朋友去參觀, 33度高溫下去行, 好鬼熱, 假日參觀者又特別多, 參觀完之後大家都好似打左場仗咁, 好攰.參觀完之後近近地係威靈頓街搵嘢食. 行左5分鍾見到Sodam Chicken. 因為天氣真係好熱, 我地又唔想再行, 而且幾個朋友都覺得食炸雞加冰凍啤酒都唔錯. 所以就走左入去了. 由於時間尚早, 所以都唔駛等位. 我地被安排坐係上層位置, 坐位較為寬敞.餐牌炸雞選擇多, 咸甜辣有骨無骨任君選擇. 仲有Pizza, 魚糕湯、年糕、水冷麵、薯條等, 要揀食咩都諗左一段時間!最後我地order左特別推介嘅黃金炸雞, 甜辣炸雞、水冷麵同埋芝士薯條.潮流興咸蛋乜乜乜, 連韓國炸雞都一齊湊熱鬧, 有黃金炸雞! 呢個黃金炸雞真係值得一讚, 咸蛋包住無骨雞肉炸得好均勻, 熱辣辣,脆口又夠咸香, 好惹味! 真心誠意推介!傳統一D嘅甜辣炸雞其實一D都唔輸蝕, 第一啖食落去甜甜地幾舒服, 但佢後來追上果股辣味,所謂嘅後勁凌厲是就如此這般! 食完一件, 飲左1/3杯飲品, 真係完全不能睇小! 水冷麵都做得唔錯, 冰涼嘅感覺完全做得到, 麵亦夠彈牙, 如
參觀完之後近近地係威靈頓街搵嘢食. 行左5分鍾見到Sodam Chicken. 因為天氣真係好熱, 我地又唔想再行, 而且幾個朋友都覺得食炸雞加冰凍啤酒都唔錯. 所以就走左入去了. 由於時間尚早, 所以都唔駛等位. 我地被安排坐係上層位置, 坐位較為寬敞.
餐牌炸雞選擇多, 咸甜辣有骨無骨任君選擇. 仲有Pizza, 魚糕湯、年糕、水冷麵、薯條等, 要揀食咩都諗左一段時間!
最後我地order左特別推介嘅黃金炸雞, 甜辣炸雞、水冷麵同埋芝士薯條.
潮流興咸蛋乜乜乜, 連韓國炸雞都一齊湊熱鬧, 有黃金炸雞! 呢個黃金炸雞真係值得一讚, 咸蛋包住無骨雞肉炸得好均勻, 熱辣辣,脆口又夠咸香, 好惹味! 真心誠意推介!
傳統一D嘅甜辣炸雞其實一D都唔輸蝕, 第一啖食落去甜甜地幾舒服, 但佢後來追上果股辣味,所謂嘅後勁凌厲是就如此這般! 食完一件, 飲左1/3杯飲品, 真係完全不能睇小!
水冷麵都做得唔錯, 冰涼嘅感覺完全做得到, 麵亦夠彈牙, 如果能夠配備醋同芥辣就更加正宗喇! 不過大熱天時可以品嚐呢一碗冷麵, 真係好舒服嘅體驗!!
最後要講嘅就係芝士薯條, 雖然唔係咩特別食品, 但係佢係用粗薯條, 粗薯條面積較大, 可以黏到芝士粉嘅範圍亦都較多, 真係每一啖都食到芝士嘅味道!
整體用餐感覺良好, 一來人唔算太多, 完全唔需要趕住還檯, 二來waiter/ waitress服務態度親切良好 ! 而且星期一至日都有套餐, 包好多野食又包飲品, 真係好抵食!!!
Post
