Video
Read full review
2017-05-08
742 views
之前聽朋友話旺角好景附近有間<掃街>必到既小食店叫Candy Shake非常之正，今日就特登去試一試。果然無介紹錯，真係超好食Candy Shake的招牌很簡潔，less is better 舖內有一邊牆係女生最愛的糖果作裝飾另外兩邊牆就係有圖既餐牌，看圖就可以點餐，非常清晰方便於點餐位隔離有實物，睇清楚先點，仲有糖果作裝飾，淨係揀食品的過程都充滿觀樂結果係我左諗右諗都未諗到食乜好時，店員好熱情地介紹我試下<即焗拉絲芝士多士>。嘩！好吖好吖！一次過滿足晒4個願望左上 : 煙肉鮮蘆筍 ， 右上 : 鮮蘆筍芝士左下 : 車打芝士腸 ， 右下 : 黑松露芝士由於係即焗既，所以要稍等幾分鐘。不過等到店員姐姐行過來送餐時，我彷彿見到一團<黑松露氣場>逼緊過來！因為真係香得實在過份！急不及待即刻用枝叉去挑起啲芝士，真係有拉絲既效果嫁！首先我由最淡味開始食起，鮮蘆筍芝士多士既多士底焗到脆邊效果，中間個芯就有小小軟綿綿，配上新鮮爽脆嘅鮮蘆筍同埋水牛芝士，口感非常好至於煙肉鮮蘆筍口味就係頭先個蘆筍同芝士中間撒上脆卜卜既煙肉， 比頭先嗰個多少少油脂同煙肉嘅香
果然無介紹錯，真係超好食
Candy Shake的招牌很簡潔，less is better
舖內有一邊牆係女生最愛的糖果作裝飾
另外兩邊牆就係有圖既餐牌，看圖就可以點餐，非常清晰方便
於點餐位隔離有實物，睇清楚先點，仲有糖果作裝飾，淨係揀食品的過程都充滿觀樂
即焗拉絲芝士多士拼盤
$52
17 views
0 likes
0 comments
結果係我左諗右諗都未諗到食乜好時，店員好熱情地介紹我試下<即焗拉絲芝士多士>。
嘩！好吖好吖！一次過滿足晒4個願望
左上 : 煙肉鮮蘆筍 ， 右上 : 鮮蘆筍芝士
左下 : 車打芝士腸 ， 右下 : 黑松露芝士
由於係即焗既，所以要稍等幾分鐘。不過等到店員姐姐行過來送餐時，我彷彿見到一團<黑松露氣場>逼緊過來！因為真係香得實在過份！
急不及待即刻用枝叉去挑起啲芝士，真係有拉絲既效果嫁！
首先我由最淡味開始食起，鮮蘆筍芝士多士既多士底焗到脆邊效果，中間個芯就有小小軟綿綿，配上新鮮爽脆嘅鮮蘆筍同埋水牛芝士，口感非常好
至於煙肉鮮蘆筍口味就係頭先個蘆筍同芝士中間撒上脆卜卜既煙肉， 比頭先嗰個多少少油脂同煙肉嘅香味
跟住就到我最愛嘅黑松露多士！黑松露果種菇味香氣四溢，再配合埋好朋友水牛芝士，真係唔止淨係個口食，連個鼻都用吸既方法食埋一份啊！
最後就到車打芝士腸，除咗有頭先嘅水牛芝士外，仲有濃濃嘅車打芝士再配上一塊厚切嘅脆邊司華力腸，係狠狠咁衝擊我嘅味蕾
3.6芝士牛乳奶昔
$30
9 views
0 likes
0 comments
食完野有少少口渴，順便試埋佢哋最出名嘅milk shake。
居然見到3.6牛乳芝士奶昔，甚麼？鹹嘅奶昔？奶昔不是應該甜的嗎？
抱住勇於嘗試嘅態度我點左來試。
淡淡的芝士味配上牛乳原來不單只不奇怪，仲出奇地好味！芝士味同牛乳味亦都好平衡，唔會好似唱歌仔咁會令到另一隻味冇定企同唔爭氣
而且奶昔上面嘅朱古力彩針唔係淨係用來裝飾咁簡單，當你飲飲下嘅時候久唔久會吸到一兩條彩針，即係飲飲下咸野嘅時候會有一兩條脆脆地又甜甜地嘅彩針俾你咬下，的確十分過癮
最後到走嘅時候先發現原來門口有一個半開放式暖爐烘住幾款唔同嘅流心芝士撻，除咗有最基本嘅芝士味外，仲有香芋，抹茶，同埋榴槤！
但係我真係太飽，唯有下次來到旺角再返來幫襯
最後最後，為大家影低咗餐牌，等各位吃貨嘅同道中人可以參考參考
Post
