陳家廚房

Open Now

Now Closed

位於銅鑼灣利景酒店地庫嘅陳家廚房, 二人下午茶套餐都幾吸引, 揉合中西鹹甜點心, 配搭頗有新鮮感。餐廳裝修也很別緻, 西式佈置又帶有東方色彩, 清雅舒適。鹹點中最喜歡懷舊港式蝦多士, 多士夾著蝦炸得酥脆, 吃起來不覺油膩, 鋪面嘅芝蔴令多士更香口, 味道甚佳。椰香炸墨魚餅幾有創意, 最特別是沒有一般西式下午茶嘅三文治。甜點中以熱情果芝士餅最滋味, 香滑芝士加上酸甜熱情果, 口感非常豐富。值得一提是這裡嘅英式鬆餅香滑熱烘, 加上鮮果士多啤梨醬和奶油忌廉, 和芳香又多層次嘅皇家伯爵茶, 確實是最佳配搭, 配合復古精緻茶具和高雅舒適嘅環境, 皇家伯爵茶, 濃郁香味中散著橘皮的氣味,更覺優雅。