相馬日式火鍋 (Closed)

相馬有多間分店，依家工業區都有分店，最岩就係放工果陣同同事食下飯聯誼下。呢度放題好豐富，佢地連羊腩煲都任食😳任食但質素好好，羊肉多肉少骨，肉質軟綿柔嫩，加上腐竹馬蹄等配料，好豐富，羊腩可以食完再加，食到飽為止！佢地之後會用湯底做番火鍋，湯底本身都夠濃味，再加上丸同菜，味道更加豐富🤫仲可以再加海鮮，蝦肉果啲都大隻爽甜，又有青口等多款，全部任食，真係可以慢慢食到飽！除佐呢啲，仲有炸物做放題，同樣任食🫣唔同款式都係即叫即炸，唔會油膩好多油，夠乾身又夠脆，炸蝦春卷就好正，串燒都好正架，金菇肥牛卷呢啲都有，焦脆得黎味道又香，一流！