唐述

Open Now

Now Closed

講起Fine dining 感覺好似係西餐嘅專利，就算係高價位嘅富豪飯堂，都不免有點老的感覺。但其實細心留意香港都有唔少幾高級又有格調的中菜，就好似今日去呢間喺IFC嘅唐述，佢嘅裝修以沉色為主，好有格調，而且仲可以望到維多利亞海景，好適合fine dinning。佢哋嘅「世味人生」menu，頭盤、主菜連甜品足足有九道菜式，每一樣都俾到你視覺同味覺嘅享受。仲有菜式都好附合「世味人生」呢個主題，每一道菜都俾到你多層次嘅味道。頭盤嘅滕椒蔥油蟶子皇就係辣嘅代表，顏色碧綠入口有藤椒嘅麻辣感覺。冷盤有三款，其中嘅古越龍山花雕鮮鮑魚，清新之外帶點酒嘅辛。除咗甜品之外呢度嘅綿綿川貝杏汁花膠螺頭燉蜜瓜湯入都有甜味，我最欣賞係呢個湯嘅綿綿外層，放入湯後吸收晒入面啲味道，然後一次過品嘗到湯同海鮮嘅精華。最後個甜品都令我留下深刻印象，呢度嘅薑茶鴛鴦湯圓，薑茶嘅濃味好似用咗成煲薑煲埋咗一碗水，飲完之後，覺得成個人暖晒，湯圓係手造，入面嘅餡料，除咗有紅豆之外仲加入少少椰絲，增加口感。基本上整個餐每一道菜式我都非常滿意而且呢度嘅環境真係冇得挑剔，好適合節日慶祝。