Video
Read full review
2020-05-10
335 views
如果講到我最鍾意嘅飲品，除左水就係茶！有時候自己係屋企只係飲開一、兩種茶或茶包；去茶樓飲茶D茶又唔係特別靚！好難滿足我嘅茶癮！最近知道尖沙嘴誠品開左一間【yú teahouse 瑜茶舍】品茶/茶葉專門店，所以就趁住星期五放工同朋友去relax 同扮文青一下！🍵Tasting：白牡丹冷泡茶當去到舖頭時，店員會先提供一杯白牡丹冷泡茶（或大紅袍冷泡茶）！白牡丹冷泡茶因為係低發酵白茶、味道清新偏淡、帶少少花香味、青草香，適合品茶前清清味蕾！🍵白毫銀針 $120：屬於白茶其中一種，而白茶係屬於抗氧化價值最高。白毫銀針採摘係茶芽部份，姐係新生出黎、最嫩、未成葉嘅部份。味道溫和容易入口，味道清新但不失產香、除左有白茶獨特花香、青草，仲帶輕微果香同回甘！怕濃茶味或新手可以試下！🍵東方美人比賽茶 $180: 屬於烏龍茶一種，“東方美人” 呢個名係由英國維多利亞女王起。而瑜茶舍嘅東方美人曾經攞過去比賽而且得過獎，所以 “比賽茶”個名就係禁黎！味道會比上兩款白茶濃郁，茶味更香濃，有其他天然茶葉少有嘅花果蜜香，非常特別同令人難以忘記！🍵紅茶曲奇：每壺茶都會附送一塊紅茶曲奇、唔含蛋奶、裡面有茶葉碎、而外面有黑芝
🍵Tasting：白牡丹冷泡茶
當去到舖頭時，店員會先提供一杯白牡丹冷泡茶（或大紅袍冷泡茶）！白牡丹冷泡茶因為係低發酵白茶、味道清新偏淡、帶少少花香味、青草香，適合品茶前清清味蕾！
🍵白毫銀針 $120：屬於白茶其中一種，而白茶係屬於抗氧化價值最高。白毫銀針採摘係茶芽部份，姐係新生出黎、最嫩、未成葉嘅部份。味道溫和容易入口，味道清新但不失產香、除左有白茶獨特花香、青草，仲帶輕微果香同回甘！怕濃茶味或新手可以試下！
🍵東方美人比賽茶 $180: 屬於烏龍茶一種，“東方美人” 呢個名係由英國維多利亞女王起。而瑜茶舍嘅東方美人曾經攞過去比賽而且得過獎，所以 “比賽茶”個名就係禁黎！味道會比上兩款白茶濃郁，茶味更香濃，有其他天然茶葉少有嘅花果蜜香，非常特別同令人難以忘記！
🍵紅茶曲奇：每壺茶都會附送一塊紅茶曲奇、唔含蛋奶、裡面有茶葉碎、而外面有黑芝麻碎，鹹甜交織，同茶非常match！
Post
