清真牛肉館 (打鼓嶺道)

Open Now

Now Closed

清真牛肉館由細食到大，幫襯咗廿幾年，眨吓眼，機場都搬走咗廿幾年。牛肉餅基本上係必定要食嘅招牌菜，由以前牛肉餅由5蚊一個食到而家23蚊一個。價錢就越嚟越貴，幾何級數咁上升，但係品質呢？睇住佢啲品質keep唔到，餅皮越嚟越厚，汁又越嚟越少，有幾次個餅重要係唔熱，只係暖暖地。招牌菜都越做越hea, 真心只有失望，唔會再有令人想去多幾次嘅衝動。另一樣成日叫嘅咖哩羊腩飯，味道keep到，但係份量真係太少，價錢成60幾蚊，肉同汁只有小得可憐嘅一碗🤦🏻‍♂️作為一個長期幫襯嘅顧客，希望你地可以做得好啲唔好變成淨係做遊客生意嘅食肆。