囍筷 (Closed)

最欣賞有誠意的餐廳，呢間台式便當店一定要推介！🌟諗緊食咩嘅時候，店員就推介紅燒牛肉。紅燒牛肉是獨家秘製，唔係日日有㗎！😬當然要試下！在等待期間，店員先送來柸冰凍綠茶解暑，好細心啊！綠茶苦中帶甜，甜中帶甘，炎炎夏日飲，好舒服呢！仲要大大柸！湯料與麵分開，上層是麵，下層是濃湯及牛肉。牛肉可以用牛扒去形容，厚身大塊，入味之餘仲好林好林！😋塔香沙茶雞翼沙茶醬汁好野味！雞翼外層脆卜卜，肉嫩出汁！正！雞翼下面有鍋巴，脆身香口，沾著沙茶醬食一流！🤤鹽酥雞又係香脆可口之作，鹽酥味香，鬆脆得嚟肉質又好嫩，掂！😛鴻禧菇真係讚完要再讚！炸物非常出色，外層鬆化，入面嘅菇林林哋又帶點彈牙，真心好味！👏🏻想一提外賣餐具中的筷子好靚㗎！(可惜忘記了影相) 好少見外賣筷子係咁靚！🤭好食又有heart嘅食店，誠意推介俾大家！