Video
Read full review
2023-06-24
94 views
《莆田（荃灣廣場）》我諗大家大坐過地鐵都一定會見過呢間餐廳賣廣告，專門食哆頭蟶同埋福建菜，今次就同屋企人嚟呢度食父親節飯！😋🐑白切羊肉我同屋企人本身都怕有羊騷味所以睇餐牌果時一下就skip左，但問職員有冇咩特色推介果時佢第一味冷盤就介紹佢。佢話以前都有人客怕騷但試完都舉手指，我地就決定試下。食落真係無騷味，一啖咬落去有Q彈嘅皮再加上厚實嘅肉口感好豐富，點埋伴呢個冷盤嘅醬油味道又多一種層次，唔食羊嘅都推薦一試👍🏻哆頭蟶兩食餐廳本身有多達9款食哆頭蟶嘅選擇，因為屋企有人喉嚨唔舒服，我地就揀左傳統嘅蒜蓉蒸蟶子同蟶子炒蛋。蒜蓉蒸呢個造法好睇海鮮本身新鮮度，今次我覺得佢蒸嘅時間火候剛剛好，肉質鮮味爽脆，蟶子份量都多。而蟶子炒蛋相對上就蟶子數量少啲，同埋因為係炒嘅關係油份稍嫌多左少少，不過蟶子都無太熟，keep到脆口彈牙。🍲金湯佛跳牆父親節梗係要豪一豪佢，一家四口一人叫左一份金湯佛跳牆。一打開蓋湯嘅香味攻陷左鼻腔，湯係比較濃同杰身，加上佢有好多名貴材料好似鮑魚海蔘花膠，鮮味十足食到兩老lamlam脷😋😋😋平日晚市時段唔算繁忙，不過呢間餐廳都好多人識食物質素都唔錯，所以都係訂定位舒舒服服到時到候就入
我諗大家大坐過地鐵都一定會見過呢間餐廳賣廣告，專門食哆頭蟶同埋福建菜，今次就同屋企人嚟呢度食父親節飯！😋
🐑白切羊肉
我同屋企人本身都怕有羊騷味所以睇餐牌果時一下就skip左，但問職員有冇咩特色推介果時佢第一味冷盤就介紹佢。佢話以前都有人客怕騷但試完都舉手指，我地就決定試下。食落真係無騷味，一啖咬落去有Q彈嘅皮再加上厚實嘅肉口感好豐富，點埋伴呢個冷盤嘅醬油味道又多一種層次，唔食羊嘅都推薦一試👍🏻
哆頭蟶兩食
餐廳本身有多達9款食哆頭蟶嘅選擇，因為屋企有人喉嚨唔舒服，我地就揀左傳統嘅蒜蓉蒸蟶子同蟶子炒蛋。蒜蓉蒸呢個造法好睇海鮮本身新鮮度，今次我覺得佢蒸嘅時間火候剛剛好，肉質鮮味爽脆，蟶子份量都多。而蟶子炒蛋相對上就蟶子數量少啲，同埋因為係炒嘅關係油份稍嫌多左少少，不過蟶子都無太熟，keep到脆口彈牙。
🍲金湯佛跳牆
父親節梗係要豪一豪佢，一家四口一人叫左一份金湯佛跳牆。一打開蓋湯嘅香味攻陷左鼻腔，湯係比較濃同杰身，加上佢有好多名貴材料好似鮑魚海蔘花膠，鮮味十足食到兩老lamlam脷😋😋😋
平日晚市時段唔算繁忙，不過呢間餐廳都好多人識食物質素都唔錯，所以都係訂定位舒舒服服到時到候就入座。
地址: 莆田 (荃灣廣場) (荃灣)
荃灣大壩街4-30號荃灣廣場L4樓416號舖
白切羊肉
3 views
0 likes
0 comments
蒜蓉蒸海蟶
9 views
0 likes
0 comments
蟶子炒蛋
7 views
0 likes
0 comments
金湯佛跳牆
7 views
0 likes
0 comments
Post
