Involtini Italian Cuisine

Open Now

Now Closed

約咗契媽，話要食得黃啲。好日唔過海，星期二日食晏晝，好彩我前一晚訂咗枱銅鑼灣地段，價錢都可以尚可接受我哋叫咗兩個set lunch香蒜魷魚手做意粉幼麵$168魷魚好新鮮彈牙，好香蒜味。手做意粉闊麵，蕃茄肉丸番茄醬好濃，闊麵掛到好多汁，肉丸肉味好重。鍾意食肉嘅人會好鍾意個肉丸。其實之前仲有個餐湯但係我唔記得咗影相。係椰菜花湯，好清新嘅味道。侍應好有禮貌咁提我地要先食淡味啲嘅意粉，先食魷魚的幼麵，之後先至再食濃味嘅蕃茄肉丸意粉。等到我哋食完晒一碟之後，就好快過嚟幫我哋收咗碟。途中仲不停幫我哋fill 水。等到我哋食晒啲意粉之後先至問我地餐飲飲啲乜嘢。成個過程好有禮貌，好舒服。我有問過佢哋餐牌上面嘅龍蝦係需要幾時預訂。侍應回覆話要一日之前，佢哋只係會訂定收到request order幾多隻，保持新鮮。walkin 食的話一定無得叫。下次嚟食嘅話一定要訂定先得😋同契媽傾傾吓計不知不覺都去到2:45。見到啲員工執嘢，先至知道原來我哋阻住佢哋落場。途中冇吹我哋走，反而我覺得我阻住佢哋收工添。問吓先知原來佢哋3:00落場。完全冇黑我面，服務一流。