Explore Kitchen (Closed)

因爲係呢度用餐經驗極不愉快，第一次留食評，以免其他人中伏。不過類似既評論其實openrice呢度已經有幾篇，最衰我黎之前無望清楚。約左3位朋友，我到左坐低先，員工無提有用餐時間，餐牌同餐廳都無貼告示有時間限制。我地成程飯都無見到餐廳要排隊等位既情況，一直都keep住有兩三枱空枱。坐左大約5分鐘，員工黎問我d朋友幾時到，我話黎緊，我答完員工就直接走左（其實唸返都幾無禮貌），亦都無提有時間限制。再過多5分鐘，一位朋友到左，員工黑面，語氣好差話問：其他兩個朋友幾時黎，知唔知呢度有60分鐘用餐時間限制？erm，其實你唔講我真係唔知，而且cafe既裝修同價格，同埋整間餐廳無咩人，我真係以爲可以慢慢坐既。我話其實我約左呢個時間，係朋友遲到。然後員工冷笑一聲，又係直接走左。除左以上對話，其實員工無論係遞餐牌、上菜、收錢都係好無禮貌。感覺好似去茶記（係仲衰過茶記），大大力bang一聲擺低，然後一句都唔講走人。而且員工之間溝通對話係大叫，搞到成間餐廳好嘈。餐廳個環境係舒服既cafe feel，餐牌係中等價位既西餐，但員工真係態度好差，令人感覺好唔愉快。野食其實係ok既，但係會食到一肚氣。