海記合桃坊甜品

Open Now

Now Closed

其實之前一向有食呢間甜品，有晚經過太子，打算去食吓，我記得芒果概甜品都幾出色，於是就一個人入去食吓，當晚係星期日，時間大約9:00左右，入面有三至四檯食客，唔算太多人，入到去之後，員工就叫我隨便坐，我坐咗係張4人檯，隔離檯就有張二人檯，有兩個食客都食得7788，打算走，於是當我坐低睇睇食咩概時候，隔離檯走咗，有個四眼概呀姐就走去執檯，當個呀姐清理完張檯，就同我講「先生你一個人麻煩坐返二人檯」我坐冇問題，但個呀姐態度好差，好似講到我坐張4人檯阻住佢哋做生意咁，重點到我食完個4人檯都冇客入去坐，碗嘢仲要好難食！我唔會再去😅