千上日本料理 (Closed)

美食哥倫布今次去咗尖咀搵野食!有乜好野食？一齊睇下啦!前菜有兩款，坐底之後餐廳就送咗兩碟黎俾我地。一碟係中華沙律，另一碟係魚干仔，甜甜地硬硬地身，好好咬！味道亦唔錯！天氣熱成咁，坐低即叫返杯梳打解解喝！我叫咗白桃梳打，白桃唔會太甜，清清地，梳打飲落去有透心涼嘅感覺！身體即時降溫！去到日本餐廳梗係會叫返啲刺身食吓！上錦繡刺身盛一共有5款刺身，件件都好肥美好厚切！我最鐘意就係鯛魚！魚皮表面輕輕燒過下，入口真係香好多！而具夠晒厚，放入口到覺得好豐富好有口感！日式燒雞翼都幾大隻！雞翼連雞尖打直串起！雞皮燒到好脆好薄！咬落去脆脆地，之後雞翼入面有肉汁流出嚟！而且啲雞肉好滑！食完中翼到雞尖！雞尖唔會燒到燶晒，又脆又香口！日本餐廳竟然連燒牛肋骨都有！牛肋骨分咗3部分，有一片片切好晒，有一條條筋位同骨位！一片片嘅肋肉燒得好嫩，入面仲粉粉地色。啲細細條嘅筋位因爲有啲脂肪連住，所以越咬就越香！至於塊骨，其實已經無乜肉，不過啲邊邊位又係好香，拎埋去咬唔好灑！朴葉鰻魚飯係必叫㗎！好大份！用個木盒裝著！影相呃like一流！鰻魚好大條而且好厚身！好少食到咁啖啖肉咁有口感嘅鰻魚！下面個飯量一樣唔野少！淋咗啲鰻魚汁同