喜越 (Closed)

美食哥倫布今次去咗銅鑼灣搵野食!有乜好野食？一齊睇下啦!去得食越南梗係一定要叫越式法包、炸春卷同撈檬啦！不過啲間越南餐廳嘅撈檬就夠晒地道，同我地一般係香港食到嘅有啲唔同！一齊同大家睇吓有咩分別啦！依到嘅越式法包同一般淨係加扎肉，酸蘿蔔嘅唔同！因為佢有得加叉燒！而且法包大大個！法包夠晒脆，入面啲料又夠晒爆滿！超好食！越式炸春卷一份有三大條，切開一半，一共有六小件！春卷隔離有啲酸蘿蔔絲、香草，另外仲有生菜俾你包著食！春卷皮薄餡靚，薄薄嘅脆皮入邊包著木耳絲，蘿蔔絲同肉碎，好有口感！再包埋啲酸蘿蔔同生菜一齊食重可以無咁漏添！呢碗燒豬肉撈檬粉大家有無覺得有啲唔同咁呢？因為正常應該係配甜辣醋汁㗎嘛，點解隔離有碗湯嘅？原來越南人係會用湯撈嚟食，碗湯酸酸地仲會有兩粒肉丸！都幾特別！餐廳仲有越式蒸餾咖啡！水吧位仲有部幾得意嘅蒸餾咖啡機仔！好可愛！去食嘅時候可以留意下！