Video
Read full review
2024-11-24
495 views
好耐冇嚟元朗搵好野食啦! 今日Lunch約咗朋友介紹嘅呢間韓國餐廳食, 係區內仲要係韓國人主理呀! 入到黎見座位好闊落, 仲有兩行卡位, 牆上有啲霓虹燈佈置, 啱哂大班朋友夜晚嚟一邊燒肉, 一 邊飲燒酒, 聽她們講, 晚上嘅燒肉, 燒鰻魚等料理係以韓國濟洲直送食材供應的; 不過今日嚟食個午餐, 呢度午餐都有好多set呀! 午市則主打定價相宜的傳統韓食, 平日適合區內學生幫襯, 他們的員工大部分都係韓國人, 但佢地都識講廣東話。上主菜前每人都有三款前菜, 包括泡菜, 醃大豆芽, 醃茄子。泡菜唔太辣, 感覺似係自己手工做咁, 比較新鮮。Lunch set有一個蛋花湯, 飲品要咗可樂同埋梨汁。梨汁係韓國好多時都見到, 裡面有粒粒梨粒呀!石鍋牛肉雜錦飯牛肉拌飯有勁多餸料, 有泡菜, 芽菜, 青瓜, 甘筍絲、香菇同菠菜, 感覺好健康;上菜時老闆娘都比咗麻油同辣椒醬我可以就自己鍾意加落個拌飯度, 辣椒醬唔辣, 加多啲先好味。拌飯用石鍋上, 夠哂熱辣辣, 仲有啲飯焦香脆, 加埋飯上隻煎蛋一齊食, 夠哂惹味呀!紫菜包飯韓國嘢我最鍾意食飯卷, 佢地嘅餡料都好多, 有餐肉, 紅蘿蔔絲, 醃蘿蔔, 牛蒡絲,
上主菜前每人都有三款前菜, 包括泡菜, 醃大豆芽, 醃茄子。泡菜唔太辣, 感覺似係自己手工做咁, 比較新鮮。
Lunch set有一個蛋花湯, 飲品要咗可樂同埋梨汁。梨汁係韓國好多時都見到, 裡面有粒粒梨粒呀!
石鍋牛肉雜錦飯
牛肉拌飯有勁多餸料, 有泡菜, 芽菜, 青瓜, 甘筍絲、香菇同菠菜, 感覺好健康;上菜時老闆娘都比咗麻油同辣椒醬我可以就自己鍾意加落個拌飯度, 辣椒醬唔辣, 加多啲先好味。拌飯用石鍋上, 夠哂熱辣辣, 仲有啲飯焦香脆, 加埋飯上隻煎蛋一齊食, 夠哂惹味呀!
紫菜包飯
韓國嘢我最鍾意食飯卷, 佢地嘅餡料都好多, 有餐肉, 紅蘿蔔絲, 醃蘿蔔, 牛蒡絲, 雞蛋, 醃青瓜絲, 魚糕絲, 蟹柳, 口感超豐富, 仲有麻油同芝麻香味。
海鮮蔥煎餅
呢個海鮮蔥煎餅係另外叫呀, 真係估唔到咁大塊呀, 份量十分足料, 啖啖煎餅都可以食到香蔥, 魷魚粒, 熱辣辣食, 外脆內軟, 再配埋佢嘅辣醬汁一齊食, 微辣, 超級開胃。
Post
