唐記包點 (港鐵寶琳站)

Open Now

Now Closed

每次去唐記我都係會叫必食點心， 就係鳳爪﹑糯米卷、沙嗲金錢肚， 同埋最愛既燒賣！鳳爪唔會瘦猛猛， 食落好厚肉，好似直頭食緊骨膠原咁， 實在係啜腳趾愛好者既首選啊！味道更加要讚好！ 燒賣每一粒都大大粒， 一咬落去仲有肉汁添， 食落唔似係蒸過幾次， 一定係新鮮蒸起先有既效果。 而味道唔好太咸， 反而陣陣肉香撲鼻， 色香味俱全糯米卷外皮香軟， 而入面既糯米則煙煙韌韌， 口感層次分明。 味道濃淡得宜，突出外皮同糯米餡的濃淡對比， 好味道！沙嗲金錢肚 入邊仲有用高湯煮好既蘿蔔。 一濃一清， 配搭天衣無縫。金錢肚既格仔包到沙嗲汁實一實，正啊！芝麻包真係每一啖都係芝麻蓉餡料， 名乎其實滋味芝麻包。