生昌潮州海鮮酒家

Open Now

Now Closed

鵝肝硬過豬膶。唔新鮮嘅花螺，白灼一食就食得出好腥，螺肉淋之之。最離譜係條凍魚馬友，夾開入面透明有血唔熟，我哋叫伙記睇睇，佢拎走咗隔咗陣，上返條熱辣辣嘅魚，原來拎咗入去返蒸。大佬，我哋叫凍魚，你就俾條返蒸魚，出晒煙啲肉老晒。我哋話咁樣點要啊，唔要啦，幫我哋cancel埋單。竟然同我哋講唔可以取消，”最多換過條俾你”，焗我哋俾埋嗰條魚錢。一早唔換，拎去返蒸。見人買單先話”最多”換俾你，態度惡劣，離晒譜。最後為免影響心情，費事同佢坳埋單走人。以前食開，食物質素每況愈下，以後同啲朋友都唔會再幫襯，可以black list 。