深宵食堂

Open Now

Now Closed

今晚出了旺角，同朋友行信和，個場都好靜，要看嘅玩具店仍有開門，但見唔到心水，於是同朋友一齊轉去搵食，行過這裡見到個名同日本電視節目一樣，於是就係咁上了去試試，一出升降機就係餐廳，地方都十分闊落，而近排因疫情關係，要人數限制之餘還有距離限制，店舖都做得好細心，入去前量體溫，再加埋搓手液給顧客消毒，再送上信封，內有口罩送上，裝修都好日式feel，而最喜歡就係貼上了好多卡通海報，還有好多模型擺設！而點餐紙上都有不同喜歡嘅食物，還有每日推介選擇，落單後都好快上枱，夠晒新鮮滾熱辣！先上蒜片一口和牛粒，和牛粒入口肉質軟熟，十分入味，加埋香蒜片入口味道更濃郁！餐前小食推介嘅名古屋雞翼，上面有芝麻在雞翼上，燒得十分香脆，外面乾身，入口香脆，咬開裡面雞翼嫩滑軟熟入味！胃口大增加了個每日推介嘅青木瓜魷魚沙律，青木瓜爽口，加上個醒胃沙律汁酸酸辣辣嘅感覺，真係十分醒胃，而上面亦十分煙韌彈牙嘅魷魚，十分有口感，兩樣食材十分之夾！主角就係一個豚肉生薑燒丼同黑松露炒烏冬，豚肉生薑燒丼上放滿了軟熟入味豚肉，加埋飯身十分彈牙煙韌好有口感，而且飯內放了醬汁，十分好味！黑松露炒烏冬，炒得好香，上面還有黑松露，用料夠晒十足！