Video
Read full review
2009-04-20
10 views
終於有機會去試Agnes b cafe，因為上一次去要等位，我地餓到腳都軟，所以冇等到。今次去之前即刻打去訂定位先，因為佢位唔多，去都都仲要等一兩個字，不過今次就好好，佢地比咗一張近窗嘅四人枱比我地兩個，坐得好舒服。我地叫咗兩個set lunch，一支still water：1. Assorted Bread - 首先又係一籃麵包，用布包住，好靚，麵包暖暖的又軟熟，好味道。2. 什菜沙律 - 用上一啲好香嘅bacon，值得一讚，再加上脆脆嘅麵包粒，菜就好新鮮，雖然普通，但用料講究。3. 原個蕃茄w/ 肉碎 配green beans sauce - 好特別，暖暖嘅原個蕃茄入面，載滿炒過嘅肉碎，配埋綠豆蓉做嘅汁，雖然有肉，但唔覺得膩。暖暖的頭盤，感覺唔錯。4. 意大利肉腸配蕃茄汁 - 有炒過嘅嘅洋蔥喺底，上面有三條意大利肉腸，煎得好香，好惹味，配埋用鮮蕃茄做嘅醬，恰到好處，旁邊仲有燒過嘅蕃茄，口感好豐富。真係好想再食多碟。5. Fish of the day - 魚本身肉質唔錯，但係唔夠鹹，啲汁亦好淡，所以帶唔出魚嘅鮮味。6. Parfait - 雪糕芭菲好好食，有strawberry肉，
我地叫咗兩個set lunch，一支still water：
1. Assorted Bread - 首先又係一籃麵包，用布包住，好靚，麵包暖暖的又軟熟，好味道。
2. 什菜沙律 - 用上一啲好香嘅bacon，值得一讚，再加上脆脆嘅麵包粒，菜就好新鮮，雖然普通，但用料講究。
3. 原個蕃茄w/ 肉碎 配green beans sauce - 好特別，暖暖嘅原個蕃茄入面，載滿炒過嘅肉碎，配埋綠豆蓉做嘅汁，雖然有肉，但唔覺得膩。暖暖的頭盤，感覺唔錯。
4. 意大利肉腸配蕃茄汁 - 有炒過嘅嘅洋蔥喺底，上面有三條意大利肉腸，煎得好香，好惹味，配埋用鮮蕃茄做嘅醬，恰到好處，旁邊仲有燒過嘅蕃茄，口感好豐富。真係好想再食多碟。
5. Fish of the day - 魚本身肉質唔錯，但係唔夠鹹，啲汁亦好淡，所以帶唔出魚嘅鮮味。
6. Parfait - 雪糕芭菲好好食，有strawberry肉，加埋好鮮好滑打得好靚嘅fresh cream，加埋Vanilla Ice-cream，真係人生一大快事。
7. Cake - 另一款甜品，我地揀咗自選蛋糕，係一款朱古力蛋糕，雖然都好鬆，但係甜到漏。
8. Coffee - 算過得去。
Comments : 3-course set lunch，食晏算抵嘅，唔錯，環境舒服，有機會再去。
Post
