Video
Read full review
2011-05-12
132 views
幾年冇見既朋友因工幹路經香港，碰巧大家聖誕夜都冇野做，佢就好信任地比我揀個地方出黎食晚飯，大家聚一聚。嗰日咁啱喺openrice網頁見倒＂一杯屋＂既介紹頁有好多個＂笑＂，驚住聖誕節會好爆，所以就立刻打電話訂定枱。為怕人迫，我特登訂六點半，重要早左十五分鐘到。去到佢居然話我冇訂位，不過因為我地早，可以比位我地先wor。請留意：我地大概八點離開，當時都只係得另外兩張散枱有客人。見餐廳冇人，XO就用部新相機拍攝室內環境：所有裝修都好開放式，簡單整潔，只覺枱櫈細左少少。正當我地研究緊餐牌既時候，姐姐仔就攞左兩條熱毛巾比我地暖下手，好舒服。Order飲品既時候先知落單嗰位姐姐仔唔講中文既，更不懂日文，所以最終要用英語溝通；起初我用中文同日語傾談既時候姐姐既眼神頗為兇惡，真係有少少驚架，以為自己唔知係咪去左黑店添。 Ume Chu-Hai：$35；雖然有真梅喺入面，但係都只係一杯少甜而又冇乜酒味既梳打水，不值一試。 Honey Citron Vinegar Water：$35；餐牌上推介飲品之一；友人話可以飲得出飲品名內既所有材料，但係Ｄ味就唔係好夾。 前菜：木槺涼拌茄子；冇叫既，唔知係咪免費送既
為怕人迫，我特登訂六點半，重要早左十五分鐘到。去到佢居然話我冇訂位，不過因為我地早，可以比位我地先wor。請留意：我地大概八點離開，當時都只係得另外兩張散枱有客人。
見餐廳冇人，XO就用部新相機拍攝室內環境：所有裝修都好開放式，簡單整潔，只覺枱櫈細左少少。
正當我地研究緊餐牌既時候，姐姐仔就攞左兩條熱毛巾比我地暖下手，好舒服。Order飲品既時候先知落單嗰位姐姐仔唔講中文既，更不懂日文，所以最終要用英語溝通；起初我用中文同日語傾談既時候姐姐既眼神頗為兇惡，真係有少少驚架，以為自己唔知係咪去左黑店添。Ume Chu-Hai：$35；雖然有真梅喺入面，但係都只係一杯少甜而又冇乜酒味既梳打水，不值一試。
Honey Citron Vinegar Water：$35；餐牌上推介飲品之一；友人話可以飲得出飲品名內既所有材料，但係Ｄ味就唔係好夾。
前菜：木槺涼拌茄子；冇叫既，唔知係咪免費送既呢？ 個樣唔錯，食落個味有少少甜甜地，咸咸地，幾得意。
炭燒上等牛舌：$98；一放上枱個賣相已經扣哂分；有少少奇怪我地個位咁近廚房，個炭燒牛舌都只係微暖；味道偏咸，食落有少少韌，當真係上等牛舌？
韓國風牛舌刺身：$58；剌身係應該涷食，但係都唔應該係未解涷嗰隻囉；少辣可以接受倒，不過味道太過咸，失敗！
牛舌丸：$30；少咸，咬落同普通肉丸冇乜分別，完全食唔出係牛舌。
日本炸豆腐：$38；全晚做得最出色既一味！不單夠熱，豆腐非常嫩滑；雖然係炸物，但一Ｄ都唔油；滲入豆腐既汁液味道亦好細膩，必吃之選！
三文魚飯團：$20；餐牌上寫明＂每日自家打磨穀米＂；友人話味道正常，不過食過更好既。
涷蕎麥麵：$48；冇乜驚喜，亦冇乜投訴。
食完咁咸既一餐，好自然地問佢攞個甜品餐牌黎睇啦，點知姐姐仔話餐廳冇甜品牌既。友人好客氣地埋單請XO食飯，姐姐仔重送左個月曆比我地做聖誕禮物添，順便話比我地知只要比多$20入會就可以享受其他優惠。講真自己再黎幫襯既機會實在太微，而且唔係自己埋單，所以就冇作回應啦。
Post
