Video
Read full review
2020-05-03
2010 views
餐廳其中一個賣點絕對係一覽無遺嘅維港，對住個咁靚嘅景食飯，未開始食已經留下好印象。餐廳menu包括有A La Carte同Set Dinner。Set Dinner分別有$888 for 7 Courses同$1188 for 10 courses，而我就揀咗後者。👆🏻一開始侍應會送上焞熱過嘅麵包同牛油。雖然有隻碟，但係食嘅過程難免會跌麵包碎，搞到張枱好似好污糟，侍應並沒有留意到呢一點，要叫佢地先掃乾淨。餐廳係行高級嘅路線，應該每個細節都要留意清楚，有待改善！👆🏻Amuse Bouche右面螢光魷魚肉質軟腍，一入口滿口鮮香味。配上牛油果🥑醬，味道非常夾。左面用上紅菜頭做嘅cone非常脆口，裡面有帶子tartate配上泰式醬汁，上面用上檸檬🍋foam，作為頭盤小食絕對會對之後嘅菜式有期待嘅感覺！👆🏻Seasonal Vegetables 唔係好記得咩味🌝👆🏻Roasted Short Neck Clam with Caviar & Garlic Form貴妃蚌肉質非常肥美，味道鮮甜！用咗日式煮法，貴妃蚌吸收哂牛油同日本清酒嘅香氣，鮮甜度更上一層樓。配上法國魚子醬同香蒜泡沫，完完全全充斥着
餐廳menu包括有A La Carte同Set Dinner。Set Dinner分別有$888 for 7 Courses同$1188 for 10 courses，而我就揀咗後者。
👆🏻一開始侍應會送上焞熱過嘅麵包同牛油。雖然有隻碟，但係食嘅過程難免會跌麵包碎，搞到張枱好似好污糟，侍應並沒有留意到呢一點，要叫佢地先掃乾淨。餐廳係行高級嘅路線，應該每個細節都要留意清楚，有待改善！
👆🏻Amuse Bouche
右面螢光魷魚肉質軟腍，一入口滿口鮮香味。配上牛油果🥑醬，味道非常夾。
左面用上紅菜頭做嘅cone非常脆口，裡面有帶子tartate配上泰式醬汁，上面用上檸檬🍋foam，作為頭盤小食絕對會對之後嘅菜式有期待嘅感覺！
👆🏻Seasonal Vegetables
唔係好記得咩味🌝
👆🏻Roasted Short Neck Clam with Caviar & Garlic Form
貴妃蚌肉質非常肥美，味道鮮甜！用咗日式煮法，貴妃蚌吸收哂牛油同日本清酒嘅香氣，鮮甜度更上一層樓。
配上法國魚子醬同香蒜泡沫，完完全全充斥着海洋嘅味道！
👆🏻Coconut Fish Maw, Abalone & Chicken Bisque with Slow Cooked Chicken Breast
雖然湯嘅材料係中式，但係煮出嚟嘅效果就好似忌廉湯咁，將中式湯融匯西式裡面，真係有出人意表嘅味道！(唔該嚟一大碗呀🙈)
上碟嘅湯入面有花膠、鮑魚、雞胸肉。花膠滑，鮑魚爽，雞胸肉超級嫩，仲有椰子香，鮮甜到不得了！
👆🏻Apple Wood Smoked Organic Broccoli Royale with Hokkaido Sea Urchin
唔知係咪我影相影得太耐淨係啲煙少，唔係好聞到Apple wood smoke lol
個人覺得上面啲西蘭花嘅草青味好搶，幾乎蓋過北海道海膽嘅鮮味，覺得有啲嘥。反而底部嘅西蘭花燉蛋好creamy同好滑，味道夾好多。
順帶一提，海膽杯非常精緻，手感好薄好輕巧，仲令我諗起Yayoi Kusama個南瓜🌝
👆🏻Deep Fried Tilefish with Scales in Sicilian Sauce
鯛魚皮超級脆口，但係肉質仍然保持到嫩滑入口即散嘅感覺，火候控制得非常之好！配上西西里蕃茄汁同Garlic Foam，簡單配搭已經突出到主角嘅鮮味👍🏻
👆🏻Sichuan Clam Pasta with Chili Oil
呢個一定係全晚嘅spotlight，完完全全將中菜同法國菜融合！第一啖入口係香濃嘅川椒油，對於食得幾辣嘅我完全感受唔到辣味，反而有一種香氣同小小麻嘅感覺，非常惹味！用上菲律賓蜆肉，蜆肉鮮甜，配上蟹肉汁將鮮味再推高，不得不講 Bravo 👏🏻👏🏻
👆🏻Seasonal Fruit Sorbet
呢個sorbet只係純粹俾我清一清下個味蕾先再食main dish，但係我都覺得值得分享一下。首先要讚下餐廳揀咗呢款萬壽無疆杯係幾吸精，仲要用上Royal Blue勁搶眼，絕對啱我心水！
Passionfruit sorbet果香味超濃，酸甜又適中，其實有想食多個嘅意欲 lol
👆🏻Allspice Maltose French Pigeon with Shallot Puree
用上法國乳鴿，肉質彈牙同嫩口，外層掃咗浸麥芽糖燒香，所以食落口帶微甜嘅味道。醬汁感覺有啲中式。我個人好欣賞Garlic Foam冋Shallot Puree，呢兩樣都係我好鍾意嘅配菜，平時煮嘢一定會爆香呢兩樣嘢令成個餸更味道更濃郁！
👆🏻Dried Beancurd Mille Feuille with Dried Beancurd and Pearl Barley Sorbet
用腐皮主打做甜品好地度，有啲家嘅感覺。腐皮炸過所以特別香口鬆脆！雪糕係腐竹薏米糖水味，非常有趣，再配上液化氮分子士多啤梨同牛奶味雪糕粒營造仙氣效果，打卡絕對一流。
Post
