文記車仔麵

Open Now

Now Closed

去開土瓜灣幫囡囡報學校，求其喺附近搵個早餐食，見到文記車仔麵，個招牌字體同深水埗好出名嗰間差不多，就以為係同一間，就入去試吓。點知原來同深水埗嗰間冇關係，大家一定要認清楚，千祈唔好好似我咁中伏。朝頭早9:30冇車仔麵，只有茶餐廳式早餐。我叫咗雪菜肉絲米份配太陽蛋。一份咁平凡嘅早餐都可以整得好難食，真係唔簡單。個米粉勁林，湯底完全冇味；嗰份麵包睇見都唔開胃。凍檸茶冇茶味，叫咗少甜但係都係偏甜。仲有就係幫我落單嗰位姐姐態度麻麻，落單落慢啲都俾面色你睇。