清邁泰式料理

Open Now

Now Closed

趁端午節假期前夕就入長洲住一晚，同男朋友拎完房就出去搵野食，然後就發現呢間野好似好多人咁就唯有試下啦。當入到去，可能因係假期所以特別忙，老闆都好好咁安排入座。點左軟殻蟹咖哩，薄餅，青木瓜沙律，芝士焗元貝，象啤同埋青檸梳打。青木瓜沙律-好求其好普通，唔太似泰國口味，有少少轉左係港式，然而個青木瓜係新鮮嘅芝士焗元貝-更加冇驚喜，都係半殻元貝再加重芝士去焗,我男人中意食芝士，所以就叫黎試下,元貝夠熱,不過有小小overcooked!而軟蟹蟹咖哩，都有1隻大的軟殻蟹，我地每人可以食到兩件,咖哩味唔特別，普通。裡面配菜好奇怪，有大量西芹,香茅，仲有好似係番茄？唔肯定有冇番茄，但咖哩配西芹真係第一次食，可能我食得太少了薄餅更係交貨嘅質素...有6件，我食左1件，我男人食左2件就冇再食了。 我諗下次應該可以食第二間！老闆人好好，但野食真的麻麻地！