清邁泰式料理

Open Now

Now Closed

約朋友去長洲一日遊，唔想吃全海鮮餐，也有另類之選擇；我們以自備(游水鮮蝦)做咖喱麵飽蝦材料(隔離海鮮檔有售)（平、靚、正）自選泰菜餐單內選擇多，價錢合理及貨真價實，地道風味濃厚。泰國啤酒、手工啤酒齊備，另有椰青不缺少，當中出色作品如下;😋椰汁冰(大人或小朋友)都適合，😋必吃蝦餅、👍燒雞非常嫩口、💯咖喱麵飽蝦無得輸(也可自配蟹)，麵飽外脆內軟及非常新鮮，加上咖喱汁就吃到唔停口，❤️老闆娘非常有禮及用心經營。👍讚❣️

今個復活節假期同老公2個人入去長洲玩2日，第二日諗住食埋午餐就坐船返屋企。之前食過呢間泰國菜印象都唔錯，所以決定再試下。我哋叫咗個套餐2人套餐，每款菜式水準都好高質，非常令人滿意最緊要就一定要飲返個正宗椰青水啦，味道清甜，正首先套餐有鐵板黑椒豬頸肉，豬頸肉質唔肥唔瘦剛剛好，個汁好惹味，令人好開胃。馬拉盞通菜味道香濃，通菜好新鮮，好入味。泰式串燒有3串豬肉3串雞肉，泰式汁味道香濃可口，肉質鮮嫩多汁，極正，令人想食多幾串蒜蓉芝士焗蠔，蠔味都算係鮮甜，芝士味就略有點不足，不過總括而言，質素唔錯。今餐泰式料理食得好滿足，而且價錢好抵食，性價比高，期待下次再嚟。

長洲泰國菜1️⃣無骨鳳爪份量多幾多,味道偏辣,酸度岩岩好,鳳爪好爽脆👍🏻👍🏻💰HKD$682️⃣飛天通菜炒得幾香,幾爽口,味道可以再濃一點💰HKD$623️⃣冬陰公烏頭魚好大條,肉好嫩滑,仲有蜆肉,個冬陰公味都好好味😋😍酸酸甜甜💰HKD$1484️⃣椰子雞湯依個幾特別,佢係酸味嘅湯,但椰子味好濃,又有小小辣,味道好豐富👍🏻

幫襯過一次就唔會再幫襯既餐廳，叫左個生菜包，個生菜夾出黎明顯有異物好在無食落口， 見到其中一塊生菜有問題唔食都算，點知第二塊都係差不多情況。事情告知過店鋪，但其實店鋪服務可以再做好d。難得入長州玩想食飽d叫多d嘢食，點知個老闆娘講句「轉頭黎」，跟住離遠聽到佢講「一次過寫曬d嘢都無咁嬲」，大佬呀，叫嘢食姐，阻你做生意？Fine！最後佢都無再幫我加單。 一間要睇老闆娘面色既餐廳食一次都嫌多。下圖可見當中異物會令人擔憂！

今日黎到長洲，由於屋企人鐘意食泰國菜，我地黎左宜家餐廳叫外賣上朋友屋企食。點左嘅樣野同飲品都好快整好，店員服務態度好好，依都好快手將餐點預備好。食物質素方面都好唔錯，種類都繁多，雞肉嫩滑，唔會煮得過熟，食物嘅份量都好夠，唔會唔夠飽。而我地點左嘅兩杯泰式特飲味道正正常常，飲完會有好refreshing 嘅感覺。整體而言餐廳無論食物同服務質素都唔錯，以後黎長洲又有多一個好嘅lunch地點選擇，下次有機會會試埋其他菜色

晚餐嚟到呢間泰國嘢食因為行咗好耐都唔知食咩好決定試吓呢間泰國嘢叫咗一條明爐魚，一個馬拉盞通菜，一碟蒜蓉蒸扇貝，一個椰青同一個冬陰功湯冬陰功湯好足料，入面有一隻蝦又有青口椰青非常厚肉，鍾意食椰青肉嘅人一定要叫扇貝除咗蒜蓉之外再加芝士，啱啱上枱嘅時候可以拉絲但係感覺芝士同扇貝唔係好夾，如果可以只用蒜蓉就好了，本身其實想叫焗蠔但蠔只有芝士冇蒜蓉，所以要扇貝最後上明爐魚，上枱時魚已經熟咗可以食魚肉非常之滑，又入味真係食唔停口

長洲大多數人都係入去食海鮮餐多，我上次入長洲已經試過海鮮餐。所以今次入長洲行山，行完就試下其他野，見呢間評分都幾好而且睇大家提供既食物相片覺得呢間泰國野食物款式應該都多選擇，所以決定去呢間試一下。食完真係完全無令我失望，同大家寫既好評分一樣，食物味道好食，價錢合理，選擇都多，外觀相機食先都唔錯，招呼客人既店員都好有禮貌，一叫即過黎唔會頗慢客人，比個讚👍佢地。佢個到有隻黑啤好好飲架甜甜地好易入口，超鐘意。下次在去長洲行完山出黎食正餐都會去呢間食，真係好唔錯架，推薦

好耐冇試過特登入嚟長洲食晚飯，仲研究緊食海鮮定話揀其他嘢之際，見到呢間泰國菜嘅食評都好好，就入嚟試吓。叫咗個細嘅泰式小食拼盤，十分豐富，裏面有素春卷、炸魚餅、炸蝦餅、雞翼同埋越式春卷，各樣都發揮到正常水平，唔錯！另外仲有叫咗沙嗲串燒半打，揀咗雞肉同埋豬肉，沙嗲花生醬十分惹味，串燒D肉唔會燒到好乾，另一推介。仲叫咗燒海蝦，估唔到唔使$100，就有六大隻，仲好新鮮，肉質鮮甜彈牙，必叫。叫咗個蝦醬炒椰菜苗，超級野味，椰菜苗好爽脆！見隔離枱有其他燒海鮮，問吓老闆，原來可以買海鮮嚟加工，我就出咗去買咗鮑魚同埋大墨魚。燒鮑魚配泰式海鮮汁，絕配，燒完嘅鮑魚，肉質仲好彈牙。另外隻墨魚，老闆提議用香茅白灼，好鮮甜。因為得兩個人食唔晒，拎左返屋企雪凍佢，原來仲好味，好爽口 ！

今日落大雨，最後選擇室內食！青木瓜沙律有d撈5勻，下面果d甜，上面果d辣。但味道尚可~咖哩海鮮入面青口粒佔多，有幾粒八爪魚碎，有一個青口有d蔬菜~味道正常！薄餅，春卷雪藏質素！奶茶5好飲~

今晚點咗2人套餐！有冬蔭公虎蝦湯味道一般、其中香茅雞翼係冇香茅味嘅、豬頸肉炒飯超難食、蛋碎撈埋豬頸肉又係冇味、生菜包濕淋淋，洗完D水仲喺度，肉碎冇味超級難食！泰式？一D都唔似囉

又是年尾清假日子，走進長洲北眺亭一遊，上亭前，先來一個午餐，沿碼頭左邊一檔檔坐戶外海鮮小炒，今日天氣頗熱，疫情亦未有緩和趨勢，謹慎起見，都係搵間室內餐廳！經過呢間泰菜餐廳，外望入去人唔多，一於入去一試，兩人點了一個泰式細拼盤，一碗冬蔭湯底粉絲、冬蔭公炒飯同兩杯咸檸七份量絕不欺場，炒飯同粉絲都大大碗大大碟，細拼每款都有三至四件。冬蔭公炒飯，未食已聞到好重冬蔭味，佢o既炒飯唔係一般乾身，係帶點濕潤，但亦未至冷燴飯狀態。味道我覺得很有驚喜，配料多海鮮，亦有菇菌加入一起，材料豐富，味道夠辣冬蔭湯底粉絲反而冇咁辣，粉絲屬於粗身，配上豬頸肉同炸鳳尾蝦，不失一個好配搭。細拼有炸蝦餅、魚餅、雞翼、春卷，不過不失，有點點乾身，有改進空間。天氣熱飲上一杯咸檸七，舒暢！所以，去長洲除了海鮮亦可以有第二選擇

暑假同小朋友一齊去長洲玩，因為限聚令，唔想吃海鮮套餐，所以就試下呢間嘅lunch set ：主食：蝦膏肉鬆炒飯，值得推薦 泰式炒金邊粉，值得推薦 海南雞飯，小小伏 飲品：椰汁冰，青檸蘇打 咸檸七，一般般 …

今日假期，就去長洲享受陽光海灘，中午有Ｄ餓啦，就係度搵食！長洲出名多街邊小食，但我地想係室內慢慢享受一餐，至於海鮮，今晚先食，於是搵下搵下見呢間泰國食店好似幾吸引，就揀佢啦！食泰國野指定要食金邊粉啦！呢碟泰式金邊粉幾特別，有好重既蝦膏味，Ｄ料又足夠，好有鑊氣！然後我地又叫左碟青咖哩豬肉片，個咖哩好香，味道濃郁，豬肉片份量又夠，用黎撈飯真係一流！食完正餐就試下Ｄ小食，因為都幾飽啦，所以只係叫左一碟芋頭春卷，炸得幾香脆，芋頭蓉好香甜！最後要介紹飲品，又一指定動作就係叫椰青啦！好甜，而且又有椰肉食！另外叫左杯青檸梳打，大熱天時解渴之選！

今日和家人特意來長洲呼吸新鮮空氣，順道看到這家泰式餐廳，阿仔話想食海南雞飯所以就入去。海南雞飯，蝦膏炒飯和小食拼盤都很有水準，蠔仔粥更是令人驚喜，外加的沙爹雞肉串也很香口。我第一次吃蠔仔粥有那麼多肥美的蠔仔! 其他餐牌上的套餐和食物都很吸引和抵食，下次要再回來試吓!

由於屋企人話想食...見好似幾吸引岩岩坐低服務態度又差啲野食麻麻個冬陰公得個辣字蝦醬通菜又腥唔值呢個價錢如果唔系屋企人話想食真系即刻起身走冇下次........