腸粉皇后

Open Now

Now Closed

又一家新店在太安樓開業，路過幾次都見好多人排隊，今日見到條隊好短，喺我前面只有兩個人，於是梗係要排隊試一試佢嘅手勢啦，點知味道令人失望，唔係話唔好食，不過如果你排隊便輸了，因為真係冇期望冇失望。我叫咗腸粉魚蛋燒賣豬皮同埋雞翼，樣樣嘢味道都係好一般，基本上太安樓是但一間都食得到，佢個腸粉有少少削，好似未蒸得透咁樣；魚蛋就濕咗少少；燒賣就係正常工廠出品啦；豬皮太林太濕吸唔到啲汁嘅味所以淡茂茂；雞翼最過癮，因為一隻勁鹹一隻無味，估計佢哋會越早越好，因為個進步空間都非常之大。