Brunch Club & Supper

Open Now

Now Closed

喺銅鑼灣有人時都唔知食咩好，到到都有time limit，又唔想食到好趕，想坐低靜靜地同朋友傾下偈 ，呢度係一個好選擇! 佢有happy hour買一送一,啲嘢食都唔差㗎，啲意粉，risotto都幾好食，仲有啲burger， egg Benedict都試過幾好。有人生日，仲可以叫佢喺喺蛋糕上面寫字，有曬蠟燭，仲有人同你唱生日歌，又唔使成個蛋糕帶去。佢嗰度已經有好多款揀。啲朱古力蛋糕都好濃味! 個人喜歡啦，有啲就會好甜，但係有好厚好濃嘅朱古力味。喺嗰度通常可以同朋友靜靜地傾下偈飲一兩round嘢都ok。但佢有陣時十點零就開始冇乜人想收舖咁款，都唔好意思再坐啦。但七點到十點幾差唔多啦。又有嘢食又有嘢飲又唔算太貴，重點係通常去到都唔係好使等位! 雖然我會book定位，但有時當周圍都full曬，呢個地方都係一個好好嘅選擇嚟㗎。