4口

Open Now

Now Closed

兩個人經過入去食午餐。見佢裝修幾靚又有位就入去試一試。店員都相當有禮貌。打開餐牌睇睇發現主食其實都係得幾款選擇，仲要幾款其實都幾似，少選擇唔緊要最緊要好食！叫左個「野生紅菇海鮮麵」（$138）同「高湯燜炒純米粉」（$118）。兩款餐牌都話有蜆有蝦同其他材料。兩樣嘢嚟到有少少嚇親人，好統一咁每份都兩隻蝦兩隻蜆，粉嘅分量真心少。咁唔排除我比較大食，可能普通女士真係夠食。不過同行位女士都唔多夠飽。個米粉賣相都唔係個個識欣賞。味道方面，食落其實幾舒服嘅，屋企嘅味道。材料都係新鮮，整體就係食完唔會有印象個隻。唔好同我講其實要食鋪租，收得呢個價，俾多兩隻蝦兩粒蜆你唔捨得咁都至少食飽人。