津津食店

Open Now

Now Closed

雖然都知道係平民越式食店，但係平民還平民，都唔可以求求其其，馬馬虎虎。我哋叫咗三樣嘢食，分別係，鮮茄牛脷飯、香茅豬扒撈檬、鮮茄牛腩(小食)。叫咗三樣嘢食，三樣嘢食都唔好味，咁樣就知道呢間鋪頭嘅水準，係唔掂。鮮茄牛脷飯，個番茄汁唔係淆出嚟嘅！而係蕃茄水咁嘅樣，完全係稀nel nel，牛脷一條條嘅，完全係唔入味。香茅豬扒撈檬，個豬扒睇起上嚟好靚，但食起上嚟肉質好乾好硬，個檬粉都係好硬 加上啲"綠林汁"先叫做好味啲。鮮茄牛腩， 同之前個牛脷一樣呢個鮮茄醬完全都係番茄水溝出嚟嘅，牛腩又煮得唔入味，蕃茄一舊舊，完全都唔淋。呢一餐啲食物，唔好味！我覺得個廚師係，求求其其，馬馬虎虎，是是旦旦。