津津食店

Open Now

Now Closed

突然想吃越南粉，就在google map上发现了这家店和妈妈点了熟牛肉粉和香茅猪排，都非常好食，而且价特别平，都只要50hkd以内，加5元多一杯饮料，吃的很满足，下次还会再来食的。推荐所有人去尝试一下

最近去咗堅尼地城嘅津津食店，試咗幾款推介菜式，分享下。**咖喱牛腩飯**：牛腩炆得好軟腍，咖喱汁唔算好辣，但夠香，幾夾飯。唔算驚艷，但係一個穩陣嘅選擇。**咖喱牛舌飯**：牛舌煮得幾嫩，厚薄適中，咖喱味道OK，不過略嫌咖喱汁偏稀。整體嚟講，都係唔錯嘅。**生牛肉湯河粉**：湯底清甜，牛肉片好薄，放入湯裡面浸一浸就啱啱好，仲保持到牛肉嘅鮮嫩。食落去感覺幾舒服，係一個簡單但令人滿意嘅選擇。**豬排**：豬排煎得外脆內嫩，唔會太乾，加埋胡椒鹽，味道唔錯。不過就無特別突出嘅地方。總括嚟講，津津食店嘅出品算係穩定，價錢合理，份量都夠。唔算話特別驚喜，但係一個可以回頭嘅餐廳，特別係鐘意食咖喱嘅朋友，可以試下佢哋嘅咖喱牛腩同牛舌飯。

小店做街坊生意，賣越式食物，定價唔高。小編叫咗個香茅豬扒撈檬$50野食唔洗三分鐘即上枱，上枱時老細拎甜酸汁俾我個陣有搖幾下，確保撈勻，呢下小細節幾sweet🥰抵讚👍🏻汁就係平時食開既汁，味道冇太特別豬扒🐷煎得香口，幾好食。撈檬上有大量炸蒜粒、炸乾蔥片、炸花生碎、芽菜、生菜絲等配菜，就咁食都好夠味，口感豐富。😋如果有埋青瓜絲、芫茜、蔥就perfect 啦😝結論街坊生意黎講幾唔錯👍🏻仲有得俾八達通添

今次嚟到咗一間成日門庭若市嘅越南餐廳，食咗兩款經典必試嘅美食：香茅豬扒飯同咖喱雞飯。🍲🥢香茅豬扒飯真係得意，每樣配菜都好似樂隊嘅成員咁，夾埋一齊彈奏出完美嘅味道。其中香茅豬扒炸到嘩啦啦，咬落去外脆內軟，香茅嘅清香又唔會攪擾到豬扒原味，啱晒邊個鍾意有層次口感嘅食客。加上扎實爽滑嘅扎肉，紮實喉嚨，好味到「喊」！再講吓佢嗰個自家製咖喱汁啦，濃郁得嚟唔膩口，簡直係港式越南菜其中一個經典。咖喱雞飯都唔遑多讓。啖啖嫩滑嘅雞肉，加上那濃香滑咖喱，真係夠哂kick，每一啖都令人回味無窮。而且份量大得黎，保證飽肚！整場食飯過程好滿足，當然少不了佢嘅飲品啦。咸金桔蜜就算唔係今日嘅亮點，但都算係平衡晒成餐飯嘅滿足之選。🥤總結，如果你想飽肚又想嘗新鮮，求個家常味道，呢間越南餐廳絕對值得一試！下次再黎，我一定會繼續試埋其他嘅招牌菜。😋👍

今日來到西環<津津食味>一間小店食越南野，叫了春卷金邊粉和咖哩牛腩河，咖喱好有咖喱味，牛腩又大件又淋， 春卷又脆又煙韌，兩個人都係食咗$92, 真係好抵，上菜都好快，下次會繼續嚟食。

两个人点了火车头和皇牌汤粉，火车头料很足，汤汁比较浓，喝到后面稍微有点咸，但是鲜味很足；牛筋和牛舌很软烂，牛肉丸紧实有肉香，里面的豆芽、九层塔也很出彩；皇牌汤粉料很丰富，有扎肉鸡翅鸡排，粉和火车头差不多；小食的猪肉串还不错，不会软软的没嚼劲，有汁水；饮料汽水没什么好说的，零售水平。价格方面适中，作为尝鲜来说还可以店内环境一般，位置比较少，大概只有五六张台，去的时候是周五晚上，没有排队，但店里人也挺多，下次想试试檬粉

#MC帶你去西環西環「津津」開業多年，一直深受街坊歡迎，近年就搬咗去新鋪，地方大啲又企理啲，今次返去回味一下。✨ 火車頭河 $63一上枱，姐姐會問你需唔需要辣椒🌶️青檸，如果要，會另外有一個碟仔上比你。湯底清得嚟有淡淡牛骨香😍配料有牛筋、牛腩、牛丸、牛肉片、牛脷、蘿蔔。整體配合埋個牛骨湯底🦴牛味超重超鮮甜，蘿蔔超吸汁而且無渣，值得一讚👍🏻✨ 津津皇牌河 $52第一次嚟唔知食咩嘅話可以揀依個皇牌河，就係乜都有啲😂配料有豬扒、雞奕、扎肉、香腸。豬扒已經喺切好一嚿嚿，而且厚薄度適中🥰食落幾香香芧味、肉質鬆軟；扎肉（兩塊）幾爽口；雞翼（一隻）都幾香口，但數量偏少；腸仔（一條）味道正常。✨ 雖然喺做街坊生意，但味道一啲都唔差，價錢大眾化又親民，選擇亦都好多，上菜又快，去開西環嘅朋友仔可以試下。.⭐整體︰8.5/10⭐食物︰9.0/10⭐環境︰7.5/10⭐價錢︰9.0/10.==============================📍 津津食店 (西環)地址：西環堅尼地城卑路乍街55號地舖交通︰港鐵堅尼地城站 B 出口==============================.#MC #Min

呢個咖哩湯河，係西環人先知呢間越南快餐店先有。其實呢度仲有好多其他嘢好食，咖哩飯啦，撈檬都好鬼正呀，咁我今次就叫咗我好鍾意食嘅咖哩牛脷湯檬，濃濃郁郁嘅咖哩湯，配上我今次叫嘅檬粉。咁啲牛脷係厚切嘅，大大塊，份量都幾足料嫁、又唔會有騷味，配合啲咖哩湯係絕配嚟，咁同埋個咖哩佢椰香味好重，好香好滑，食落唔係偏辣口味，咁都適合大眾嘅口味，我今次就誠意推薦呢個咖哩湯粉，加埋野飲都係$60有找，total $54，相當抵食。

一出世就住西環，記得細細個阿哥成日買俾我食（之前仲喺對面街）不過最鍾意食車仔麵，而我最鍾意食佢個撈檬，係兒時嘅味道今日行開呢頭，見佢新裝修新舖頭（聽聞好似換咗老細），要即刻入去回味一下，搬咗過嚟對面呢度第一次食佢，入邊裝修乾淨企理，好似大過對面少少⋯一坐低唔使問就叫咗一個王牌撈檬同一個炸春卷，依然係以前嘅味道同水準，食過幾間唔同既越式野，出邊嘅撈檬汁都相似，唯獨係津津呢一間隻味有啲唔同，分量依然有咁多，不過香茅豬扒唔夠香茅味不過整體水準都非常好

平時返工喺呢度食lunch 香茅豬扒飯超級正有勁多豬扒 可以揀豉油汁或者咖喱汁 勁平$48有杯凍嘢飲 另外佢有好多款小食 例如炸雲吞 越南鮮蝦炸春卷 真係好抵食 見好多人買外賣

之前路過一路想試，終於有時間去試吓叫咗個春卷撈檬 拼豬扒佢嘅撈檬，個醬汁唔錯！唔會剩係得個酸味最正係好多生菜檬粉嘅份量都救我一個肥仔食得飽豬扒反而有少少失色可能佢塊豬扒太薄但係味道上係唔錯嫁春卷因為即炸嘅關係非常好食如果比多塊生菜我就更加正加$10有個特飲鹹檸七，佢都比足一個鹹檸檬之後睇返餐牌，原來佢都好多特別嘅選擇 睇見隔籬枱食咖喱牛脷個樣好鬼吸引 我見對面枱係食湯粉嘅都另外上一個咖喱牛脷下次要試吓唔同類型嘅上相併先

味道和賣相都非常好，炸豬扒同雞翼都有香茅的清新氣味，食材好新鮮入味！特別鐘意佢個撈檬，比好多蔬菜，自己加醋或者辣油，味道自己控制，非常健康營養！佢間店的咖喱牛腩都好好味！6pm之前跟餐飲品先5蚊。打算之後經常食。

今日喺堅尼地城放完工，個肚古古聲，諗起其實我未食晏。以前住堅尼地城嘅時候呢間餐廳的舊舖成日都好多人，食過一次但對味道已經冇印象，今日我就試吓食多次。大約4:30，餐廳冇人嘅。坐低叫咗個香茅豬扒湯河… 大約3分鐘食物就上枱喇，通常食越南河，我一定會飲啖湯先，不過我未食見到個色，奶白色我就知道一定有啲野。湯底我唔知佢點樣整，但就一定唔係越式，但又無咩豬骨味…..個豬扒好好食，應該係預先炸咗，之後再放入微波爐叮返，唔會太多脂肪和太鞋（唔知有無用鬆肉粉）啲河粉正常。 呢一碗$38 「越式」香茅豬扒河可以話係一碗幾冇心機做嘅麵食。只可以話同區有更好嘅選擇

西環津津出名就好多人知，一間小店都咁多人收藏就知咩事平靚正越南野，無得輸，舊舖就真係唔太好坐又細，搬左之後大左光鮮左仍然客似雲來餐牌依舊湯粉撈檬飯同小食咁，車仔麵咁點配都得，嗌個特飲飲住睇，好正既咸檸七仲有青檸樂，爽生牛肉湯檬，賣相好好，上枱已經聞到牛味，香料夠但唔搶味，先試湯頭，好濃牛味，清湯腩牛肉味既濃越版，相當唔錯檬粉細細爽身，幾有風味而且都好夾個湯，牛肉正常，高質生牛檬勞蘇食推介 —— 香茅雞翼超正賣相，大隻又夠份量，唔會好油但肉汁豐富，嫩滑又啖啖香茅味好正，忍唔住食左撈檬後追加左個雞翼，性價比極高撈檬個汁唔太酸，幾清同refreshing，檬粉仍舊好味津津皇牌飯咖哩汁，碟頭飯樣，餸都多既，想試佢唔同既餸或者怕單餸悶既啱晒香茅豬扒又係另一必食之選，香茅味濃，肉香又嫩，不過要趁熱食，凍左減兩分咖哩唔係辣個隻，一個風味令飯變有味飯，幾好食炸蔗蝦，風味小食，係咁食都得，味道正正常常，可以試曬其他小食先揀依個整體性價比高到一個點日常食個飯或粉實在係必選，係會上癮既餐廳宵夜亦係唔錯選擇#炸肉餅同咖哩牛脷都超正#可唔可以開間係我屋企樓下

自從入咗港大之後，住hall令我每晚都要搵嘢食，因為自己唔識煮，每次練完波，我哋都會落西環食嘢。師兄師姐話津津好食，就帶我哋去食咗第一次。呢間餐廳係食越南野，我嚟到食咗咁多次，最鍾意都係春卷撈濛！永遠春卷都一定係熱辣辣嘅！佢個汁好好食。所以食咗咁多年就算而家畢咗業，去到西環都一定會搵返佢！大家快啲去試吓