薯芝味 (Moved) New Location

又是難得來觀塘上課，就在這附近覓食。東廣場都多選擇，鍾情於薯類食品，所以見到這間有薯仔餐，就決定一試。佈置都幾舒服，係有些位係高櫈比較難坐。點了個薯仔餐連飲品。食物上來賣相吸引，可惜的是，餐具令到這個餐減分。可能因為要慳了洗碗的費用，餐店用的是膠刀叉，用刀叉食時，都驚太用力切開個焗薯時會斷開。焗薯有不同的醬可以選，選了蜜糖芥茉，應該最穩陣了。切開焗薯，想像中那種熱辣辣會冒煙的畫面沒有了，即時灰左。食落去係暖暖的，不過焗薯要熱食，這種溫溫吞吞的溫度，浪費了一個咁好的薯仔了。另外可以選兩款配料，選了煙肉和辣肉碎，又係一個敗筆，吃時料還料薯還薯，好唔夾囉薯條就幾好，夠熱。普普通通嗰種，和麥記的差不多。至於那杯飲品，不過不失啦，就算再好飲，都救不了那個焗薯。呢間，真係可一不可再了。