Video
Read full review
2015-04-14
572 views
是咁的，小弟十萬年都唔寫一次食評，一係唔食一寫就只會係兩種情況，一係間餐廳真係太好，希望多啲人去支持下，二係真係太衰，唔希望人去中伏，呢間屬於後者。話說小弟去食lunch行過係門口見佢企企理理，環境比同區其他餐廳整理，咁就行入去食。點知入到去，原全冇人理我，應該係一個待應都唔見，我自己搵個位坐，坐底等左5分鐘都冇人比餐牌同水我，最後我係要自己去問格離臺攞。跟住，打算搵個待應落單，所以我立即主動出擊，大叫一聲「待應」，可能我太霸氣，終於有人回應我一聲「係黎緊」。說時遲那時快，有個着住T-shirt,短褲既金毛Mk肥仔出現，「喂，食咩?」，我真係一時比唔到反應，就求其叫咗個D餐加莎律再加湯。個餐冇記錯就係自制咖哩牛肋骨條，但係黎到既時間就知出事，嗰個跟本唔係咩咖哩牛肋骨條，而係咖哩牛腩，你當我傻的嗎?我唔識分咩係牛腩?重要得三舊?重要得5蚊銀咁大個?但都值$43? 個湯都唔好得好多，個忌廉湯淨係忌廉加水加鹽加罐頭蘑菇，得個咸字，一啲鮮甜味都冇。如果你想試下世上最難飲既忌廉湯呢到幫到你。不過公平啲講，唯一食得落口係個蒜蓉包。個雜果沙律都只係同一般茶餐廳既一樣，不過不失。埋單時係出去埋，我係
話說小弟去食lunch行過係門口見佢企企理理，環境比同區其他餐廳整理，咁就行入去食。
點知入到去，原全冇人理我，應該係一個待應都唔見，我自己搵個位坐，坐底等左5分鐘都冇人比餐牌同水我，最後我係要自己去問格離臺攞。跟住，打算搵個待應落單，所以我立即主動出擊，大叫一聲「待應」，可能我太霸氣，終於有人回應我一聲「係黎緊」。說時遲那時快，有個着住T-shirt,短褲既金毛Mk肥仔出現，「喂，食咩?」，我真係一時比唔到反應，就求其叫咗個D餐加莎律再加湯。個餐冇記錯就係自制咖哩牛肋骨條，但係黎到既時間就知出事，嗰個跟本唔係咩咖哩牛肋骨條，而係咖哩牛腩，你當我傻的嗎?我唔識分咩係牛腩?重要得三舊?重要得5蚊銀咁大個?但都值$43? 個湯都唔好得好多，個忌廉湯淨係忌廉加水加鹽加罐頭蘑菇，得個咸字，一啲鮮甜味都冇。如果你想試下世上最難飲既忌廉湯呢到幫到你。不過公平啲講，唯一食得落口係個蒜蓉包。個雜果沙律都只係同一般茶餐廳既一樣，不過不失。
埋單時係出去埋，我係櫃檯企咗成分幾鐘，見到個待應一路落單一路玩電話，唔知係唔係我視線太強烈，佢終於發現我，過黎收數，咁既服務咁既食物就收咗我$63，唔係我覺得63好多錢，係對佢地係比太多，呢間野真係冇様得，認真大家唔好中伏
Post