相馬日式火鍋 (Closed)

朋友話食過呢間印象好好（不過係另一分店），就介紹呢間。第一次來這間食店。本滿懷期待，加上標榜無限時任食，已經有第一好的想象。由於第二日係假期，同朋友一齊無限時任食聊天，理應是人生樂事。這日式火鍋食店嘅特色，就是可以先食雞煲，再來茶碗蒸，再來蒸鍋海鮮，最後是火鍋。食物質素是OK的，不過成間咁大嘅舖頭，好似就得三個侍應，而且好似唔係好熟手，多台客不停追問侍應問幾時才有下了單嘅食物送到？蒸鍋海鮮幾時送到？追了多次都係回應「整緊」，就連火鍋用的豉油都追過幾次，話時話，啲豉油死咸，沒有鮮味。手機落單又混亂，該送來的沒有來，隔籬枱啲食物，有時送咗嚟我哋枱，我哋枱啲食物有時又送咗去隔籬枱，成晚就喺度追食物。見到其中有一枱人同我哋一樣係咁追食物，追極都仍然得個等字，最後（我估計呢枱人都唔夠1小時）就成班起身走人。非常無奈。自助取食物嗰方面，配料⋯例如菜類就嚟無晒，唔會添加，豉油冇晒，又要等好耐追好多次先有。第一次老遠咁嚟食呢餐，話就話係無限時任食，但係成個時段不斷追食物和等食物，斷斷續續咁樣食好唔舒爽！令到我瞌眼瞓，所以忍唔住要寫呢一篇負評，因為整體嘅感覺的確不良好，只有一樣嘢最滿意，就係雪糕雪條任食