潮州人

Open Now

Now Closed

之前係灣仔食過一次，覺得啲野食雖然份量唔多，但味道都ok,今日咁岩諗起，所以收工就黎左鰂魚涌呢間食，店入面得三個客人，員工有一個，樓面廚房都係佢做晒，又要做外賣，根本就做唔切，我去既時間係7:40左右，坐低佢就話我地知堂食要等20分鐘，我見佢得一個人，一路係度整緊外賣，我都體諒既，咁ok啦，都無講啲咩，係度等，等到7:55佢終於做晒外賣，幫我落單，叫完野食，等左10分鐘左右，有第二枱堂食客入黎，佢先再出反黎，就同新果枱客講無晒米粉，得飯同菜，然後佢先順便再同我講無晒米粉。。。其實呢，佢一路都做緊外賣，有無米粉係咪應該要一早知，咁我就唔駛係度白等完無得食，佢話要等，我都已經唔緊要，落左單，都無話無米粉，落完單等左十分鐘先出黎話無米粉，唔想要飯同菜底可以走，唔好食，咁平心而論個店員咁忙，態度已經算係好，但作為客人，我等左咁耐都已經完全無吹，叫左野食，等左都成10分鐘你先知無食材。。😵‍💫佢重要話晏晝好忙，好多野都賣晒，叫我想食下次早啲黎，既然唔夠食材又何必要我等左咁耐先話我知呢。。😢