Video
Read full review
2009-04-20
81 views
星期六大清早返公司開完會，已經中午了，同小公主去附近置地廣場嘅Cafe Landmark，已經好耐冇嚟過了，不過今次撞唔到明星。等咗十分鐘，有枱了，我地兩個坐了一張四人圓枱。叫咗兩個lunch set，食物如下：1. Assorted bread - 例牌嘅一籃麵包，好軟熟，真係好軟熟。2. Cream of Mushroom - 好重磨菇味，因為湯入面加有許多粗磨菇粒，有咬口，但係相對令到湯唔夠滑，材料太過豐富。3. 龍蝦濃湯 - 口感好厚，龍蝦味相當豐富，而且有爽爽嘅龍蝦肉，上承之作。4. 龍蝦忌廉汁意粉 - 用上半隻大龍蝦，相當重手，未試過午餐嘅意粉用上咁勁嘅材料，淨係食龍蝦都飽死，而且隻龍蝦相當多膏，多到滿瀉，而且係軟膏(墨綠色嗰啲)，再配埋稀杰適中又香又滑嘅忌廉汁，兼僅僅熟透心嘅意粉，簡直係無懈可擊。5. 扒羊扒鮑魚配鮮露荀蛋白炒飯 - 午餐食鮑魚，雖然唔係乾鮑，但係口感都係一流，羊扒煮到啱啱medium，外皮煎得少少濃，脆脆的，好香，加埋好鮮嫩嘅露荀，再配埋有瑤柱蛋白飯，真係好味到呢....6. Coffee - 有普通咖啡同埋Cappuccino比你選擇，Cappucci
等咗十分鐘，有枱了，我地兩個坐了一張四人圓枱。
叫咗兩個lunch set，食物如下：
1. Assorted bread - 例牌嘅一籃麵包，好軟熟，真係好軟熟。
2. Cream of Mushroom - 好重磨菇味，因為湯入面加有許多粗磨菇粒，有咬口，但係相對令到湯唔夠滑，材料太過豐富。
3. 龍蝦濃湯 - 口感好厚，龍蝦味相當豐富，而且有爽爽嘅龍蝦肉，上承之作。
4. 龍蝦忌廉汁意粉 - 用上半隻大龍蝦，相當重手，未試過午餐嘅意粉用上咁勁嘅材料，淨係食龍蝦都飽死，而且隻龍蝦相當多膏，多到滿瀉，而且係軟膏(墨綠色嗰啲)，再配埋稀杰適中又香又滑嘅忌廉汁，兼僅僅熟透心嘅意粉，簡直係無懈可擊。
5. 扒羊扒鮑魚配鮮露荀蛋白炒飯 - 午餐食鮑魚，雖然唔係乾鮑，但係口感都係一流，羊扒煮到啱啱medium，外皮煎得少少濃，脆脆的，好香，加埋好鮮嫩嘅露荀，再配埋有瑤柱蛋白飯，真係好味到呢....
6. Coffee - 有普通咖啡同埋Cappuccino比你選擇，Cappuccino啲泡打得好靚，又輕又硬身，值得一讚。
Comments : 雖然貴，但係值回票價。同上一次嚟食一樣，滿分，冇咩嘢可以彈，由食物至服務，都係上等水準。有機會一定要再嚟食過。
Post
