Video
Read full review
2023-03-16
93 views
同朋友傾開掛住臺灣，佢介紹我去觀塘小店食臺灣好嘢頂住癮先；一聽到觀塘心都驚一驚，好塞車喎，不過聽佢講到咁好食，又心郁郁，終於忍唔住去一試究竟。果然冇介紹錯，#一試難忘，同臺灣地道食物一樣抵食夾大件，餐廳名又係地標「壹.01」，再加墻上的文字與圖案格局，令人有一份短暫置身臺灣的感覺。2:15左右嚟到，店員好快就已經幫我安排較闊落嘅座位，方便輪椅出入；除咗遞上餐具及餐牌之外，仲提示可以掃描檯上QR code點餐，以及2:30後有9折優惠，並且推介佢哋嘅脆炸鮮奶卷。2人共叫咗2個主食、2杯飲品，及2個小食，飲品有半價之外，全單仲要有9折，埋單計數$240都唔使；能夠以呢個價錢，一解思臺之苦，真係物超所值。香蔥紫菜牛肉飯 $57一個比頭仲大的圓碗一攞上枱，即時眼都大埋；上面鋪滿豐富食材；上層一半以上都係肥牛，其餘便是香蔥粒、洋蔥段、兩款味菜，還有番紅花的點綴；中層係滿滿的紫菜，完全覆蓋着下層的飯。肥牛片雖然比較薄，但勝在夠入味，再配合所有配料同飯一齊食，味道非常獨特；而且呢個飯係冇牛肉汁，我諗係因為唔想整淋啲紫菜，保留紫菜嘅香脆口感。辣椒大蔥排骨飯 $58呢個係我今餐飯嘅最大驚喜，一塊大過面嘅
2:15左右嚟到，店員好快就已經幫我安排較闊落嘅座位，方便輪椅出入；除咗遞上餐具及餐牌之外，仲提示可以掃描檯上QR code點餐，以及2:30後有9折優惠，並且推介佢哋嘅脆炸鮮奶卷。2人共叫咗2個主食、2杯飲品，及2個小食，飲品有半價之外，全單仲要有9折，埋單計數$240都唔使；能夠以呢個價錢，一解思臺之苦，真係物超所值。
香蔥紫菜牛肉飯 $57
香蔥紫菜牛肉飯
$57
39 views
0 likes
0 comments
一個比頭仲大的圓碗一攞上枱，即時眼都大埋；上面鋪滿豐富食材；上層一半以上都係肥牛，其餘便是香蔥粒、洋蔥段、兩款味菜，還有番紅花的點綴；中層係滿滿的紫菜，完全覆蓋着下層的飯。肥牛片雖然比較薄，但勝在夠入味，再配合所有配料同飯一齊食，味道非常獨特；而且呢個飯係冇牛肉汁，我諗係因為唔想整淋啲紫菜，保留紫菜嘅香脆口感。
辣椒大蔥排骨飯 $58
辣椒大蔥排骨飯
$58
17 views
0 likes
0 comments
呢個係我今餐飯嘅最大驚喜，一塊大過面嘅排骨（其實係冇骨嘅），鋪滿碗面，仲要有2cm咁厚，肉眼一睇就已經過覺得係高質。再放入口，熱辣辣的排骨非常鬆脆，肉質幼嫩，完全能夠保留肉汁鮮味；加上芝麻、青辣椒、大蔥配合起來的特色口味，令人一試難忘，完全停唔到口。
珍珠奶茶(大)+特濃芝士奶蓋 $33
珍珠奶茶(大)+特濃芝士奶蓋
$33
20 views
0 likes
0 comments
20幾蚊1杯大大珍珠奶茶，而家喺香港真係好少，額外加埋芝士奶蓋，先至係30幾蚊左右，真係好抵！奶茶香滑，珍珠有咬感得嚟唔會太硬，煮得好有水準；最後當然唔少得特濃芝士奶蓋，芝士味非常濃郁，令成杯嘢更加畫龍點睛。
全手作芋頭鮮奶(中)+寒天 $29
全手作芋頭鮮奶(中)+寒天
$29
9 views
0 likes
0 comments
決定來幫襯之前都有做定功課，見到呢款芋頭鮮奶就已經好想試，原價$48真係有啲貴，唔捨得；但係而家半價就一定唔可以放過，仲決定額外加埋寒天，增添多重口感。鮮奶嫩滑味濃，手作芋頭壓得糼起沙，亦有少量保持不規則粒狀，保持一定口感；飲品沒有加上任何額外甜味，完整保留3.5牛奶（俾我發現到佢哋係用Pomurske Mlekarne3.5全脂牛奶）及芋頭的原味。寒天就似香港嘅大菜糕，切成大大粒嘅正方形，帶點甜味；由於比較結實，用飲管唔能夠將佢啜散，需要打開蓋用匙羹畢嚟食。
台北夜市小食拼盤$39
台北夜市小食拼盤
$39
25 views
0 likes
0 comments
去過臺北都一定回味夜市小食，呢度就可以一次過回味3款小食。台灣腸外皮脆卜卜，加上蜜糖做點綴，更加無懈可擊。圓圓的花枝丸外表炸得金黃，咬落非常彈口，亦有唔少嘅花枝肉粒，非常鮮甜。鹽酥雞同樣美味，咸脆適中，依然保存鮮味，一口一粒，食過不停。
脆炸鮮奶卷*古早芋泥二文治 $48
脆炸鮮奶卷*古早芋泥二文治
$48
19 views
0 likes
0 comments
呢個餐廳推介小食拼，真係值得一試，兩款都即製上枱，好好味！鮮奶卷外脆，入面既軟心鮮奶漿唔係流心，咬落去唔怕流晒出黎，完全能夠將濃郁奶味放入口，2個人分3件真係唔夠喉。二文治呢個名已經引起注目，食落又真係好特別；外層似炸脆左既簿餅，入面係軟滑芋泥，但亦有被炸過收左水既結實質感，唔會一咬就散，令整個小食有完美配合，真係大滿足。
Post
