Video
Read full review
2022-11-07
479 views
聽朋友講手拉麵既小龍包好食又大件，襯放假專登黎新浦崗試吓。怪我唔做足功課，事後先見倒有評價話店員態度差。黎到食到一肚氣先知🙁話說叫左個招牌小龍包，我哋4個人，個店員俾左兩碟醋，問佢先黑面俾多一碟。但都仲差一碟，見佢又唔理我地，咁岩隔離個架就放晒啲整好左既醋碟，咁咪自己拎左一碟。點知佢依個時候又見倒，即刻9秒9衝過嚟鬧我地整亂晒佢啲野😒講返味道，小龍包個皮勁厚，啲湯個味道都好一般，豬肉都唔夠滑，冇啲人寫得咁出眾咁好食。第一啖已經失望左😕仲要一啲都唔平成$10 一粒。另外叫左上海炒年糕同回鍋肉，味道不過不失，偏濃味同油，要飲返多啲水解渴。個店員由頭到尾都係黑面+串串共咁上菜。題外話，我哋食到一半聽倒門口位有個大叔同個店員互鬧，頂唔順個店員既態度，話以後都唔會再幫襯。我心有同感，可惜我冇大叔既勇氣同佢嘈🥲
怪我唔做足功課，事後先見倒有評價話店員態度差。黎到食到一肚氣先知🙁
話說叫左個招牌小龍包，我哋4個人，個店員俾左兩碟醋，問佢先黑面俾多一碟。但都仲差一碟，見佢又唔理我地，咁岩隔離個架就放晒啲整好左既醋碟，咁咪自己拎左一碟。
點知佢依個時候又見倒，即刻9秒9衝過嚟鬧我地整亂晒佢啲野😒
講返味道，小龍包個皮勁厚，啲湯個味道都好一般，豬肉都唔夠滑，冇啲人寫得咁出眾咁好食。第一啖已經失望左😕仲要一啲都唔平成$10 一粒。
另外叫左上海炒年糕同回鍋肉，味道不過不失，偏濃味同油，要飲返多啲水解渴。
個店員由頭到尾都係黑面+串串共咁上菜。
題外話，我哋食到一半聽倒門口位有個大叔同個店員互鬧，頂唔順個店員既態度，話以後都唔會再幫襯。我心有同感，可惜我冇大叔既勇氣同佢嘈🥲
Post
