甘饕 (Closed)

睇到其他食評。路過銅鑼灣，於是嚟呢度食燒鵝同叉燒。見到話呢度嘅餐單，如果要食燒鵝脾，特別要加$60。一個例牌普通叉燒，收$138。諗住享負勝銘，價錢係其次，最緊要好食。。。點知，啲嘢食嚟到，其實都幾伏。你話唔好咩，其實真係唔係。只不過唔係好值呢個價錢。燒鵝算嫩，肉汁多，唔肥膩，皮薄。但$218一個下裝，骨頭多咗啲，冇乜肉食。我會食中環一樂燒鵝髀賴，真係好食好多。叫咗一隻燒乳鴿$88。鮮炸，香口，叫做not too bad，算係high light。最唔掂係碟叉燒。入邊唔知係筋定係啲乜，un。總之叉燒就唔好食，唔值。我會prefer咬落有肉感，口感嘅叉燒。呢度啲肉林啤啤，但中間又有條筋。太子撈麵成為$39。棋哥嘅鵝油撈麵好食過佢好多。呢度，只係冇鹼水味幼麵嘅普通貨。